ભાવે ભજીલ્યો ને પીરશાહ ના નામનેરે | Pirsha na naam ne re... | Satpanth Bhajan

ગુરૂ ભેટયા મુને ભાવે ભવ તારવારે, લેશે સેવકની સંભાળ; ભાવે ભજીલ્યો ને પીરશાહના નામને રે. (ટેક) મનુષ્ય દેહ ફરી કેવી રીતે આવશેરે, વેળા વીતે છે આ વાર; ભાવે ભજીલ્યો ને પીરશાહના નામને રે. (અંતરા ૧) સુખ સંપત સર્વે મળી, વળી મળિયો મનુષ્ય દેહ; ભવતારણ ભેટીયા, તોએ ના લાધ્યો છેહ. જૂઠી માયાએ મન મારું બાંધીયું રે, તેથી પડશે ચોરાસીની જાળ; ભાવે ભજીલ્યો ને પીરશાહના નામને રે. (ટેક) મનુષ્ય દેહ ફરી કેવી રીતે આવશેરે, વેળા વીતે છે આ વાર; ભાવે ભજીલ્યો ને પીરશાહના નામને રે. (અંતરા ૨) સંચિતે સર્વે મળ્યું, વળી મનુષ્યને ભરતખંડ; સફળ તે જો થાયે નહિ, તો પડશે દેવનો દંડ. હળીમળી ને સાથે સહુને ચાલવું રે, ભજવા એક જ દિનદયાળ; ભાવે ભજીલ્યો ને પીરશાહના નામને રે. (ટેક) (અંતરા ૩) કુટુંબ કબિલો કારમું, ચોદિશ ખાવા ધાયે; મૂરખ તે શું મોહી રહ્યો, જન્મ અકારત જાયે. મારું તારું મૂરખે મન માન્યું રે, પણ સર્વે એક જ દયાળ; ભાવે ભજીલ્યો ને પીરશાહના નામને રે. (ટેક) (અંતરા ૪) જુગત્તિ જુગની જાણવી, આદે અંતની રીત; જે પંથે વિષ્ણુ વળ્યા, તે શું દેવું ચિત્ત. વાટે વાટે જાવું આપણેરે, જે ઘાટે હોય શ્રી ગોપાળ; ભાવે ભજીલ્યો ને પીરશાહના નામને રે. (ટેક) (અંતરા ૫) અખિલાનંદ આનંદકંદ, વિશ્વવ્યાપક જેહ; સગુણ રૂપે આવીયા, ખોળી કાઢો તેહ. વેદ વાણી ને યુગ સાથે સાંધવી રે, જોવા ગોર બ્રહ્માજી દયાળ; ભાવે ભજીલ્યો ને પીરશાહના નામને રે. (ટેક) (અંતરા ૬) નાંયાની અરજી ચિત્ત ધરી, ગુરૂજી આવ્યા ત્યાંહેં; પૂરવના સંજોગથી, ઝાલી તેની બાંહે. 'ખાકી' સેવા નિસદિન કીજીયે રે, ભય રાખી વેદની ભાળ; ભાવે ભજીલ્યો ને પીરશાહના નામને રે. (સમાપન) મનુષ્ય દેહ ફરી કેવી રીતે આવશેરે, વેળા વીતે છે આ વાર; ભાવે ભજીલ્યો ને પીરશાહના નામને રે. ગુરૂ ભેટયા મુને ભાવે ભવ તારવારે, લેશે સેવકની સંભાળ; ભાવે ભજીલ્યો ને પીરશાહના નામને રે....