VIWANJANI: Yanga SC, Simba SC zaibuka na ushindi na kufikisha alama 15.

Wachambuzi wa soka, Frank Domayo, George Job na Khalid Chukuchuku wametoa tathmini yao kuhusu ushindi wa Yanga SC na Simba SC katika mzunguko wa tano wa NBC Premier League, huku timu zote zikishinda kwa mabao 2-0 Agosti 31, 2026. Katika mchezo wa Fountain Gate dhidi ya Yanga SC, uliomalizika kwa Yanga kushinda 2-0, George na Domayo wametoa tathmini ya kiufundi ya mchezo huo, huku Domayo akipongeza namna Kocha Manqoba Mngqithi anavyofanya rotation ya wachezaji, akisema hatua hiyo ni muhimu katika kukijenga kikosi na kukiweka tayari kwa msimu mrefu. Pia wamechambua kwa undani mchakato mzima wa goli la Clatous Chama, akimalizia pasi ya Libasse Gueye katika ushindi wa Simba SC dhidi ya Geita Gold. Wameeleza namna Gueye alivyotumia uwezo binafsi, utulivu na akili ya mchezo kumvuka mlinzi na kutengeneza pasi iliyomuwezesha Chama kumalizia kwa usahihi. Azam TV