Minder oanfier Skoattermerk

De oanfier fan hynders en ponnys op de Skoattermerk yn Aldskoat falt dit jier ôf. Neffens de merkmaster binne der net mear as goed 350 bisten. Dat soe de helte minder as ferline jier wêze. Sân ynspekteurs fan de bistebeskerming kontrolearje moandei it wolwêzen fan de bisten. Der binne net in soad misstannen oantroffen. In soad bisten hiene wol lêst fan it waarme waar. Guon hannelers binne derop oansprutsen mear drinkbakken del te setten en bisten yn it skaad te bringen.