{عرفوه بالعلم}(05) كوكب بكرش و اجناب

اتكلمنا عن بداية الكون..و سبنا الكون و نزلنا لكوكب الأرض.. و جرينا بالزمن عشان نتفرج على البشر.. و هما بيحاولوا يتعرفوا على الكوكب اللي عايشين فيه.. و على العالم.. كانت البداية.. باننا عاوزين نعرف الكوكب اللي احنا عايشين عليه ده.. حجمه قد ايه؟ **** سنة ١٧٣٥ .. أكاديمية العلوم الملكية الفرنسية بعتت رحلة علمية لـ“بيرو" بقيادة عالم ”مائيات“ أو hydrologist اسمه بيير بوجيه Pierre Bouguerg .. و عالم رياضيات عسكري اسمه تشارلز ماري دو لا كوندامين Charles Marie de La Condamine .. كانت رحلة لطيفة الحقيقة.. علماء و مغامرين .. اللي هو جو قصص تان تان.. رايحين بيرو عشان يقيسوا المسافات بين جبال الأنديز.. في الوقت ده.. كان بدأ ينتشر بين الناس رغبة محمومة في استكشاف الأرض و فهمها.. كانوا عاوزين يعرفوا عمرها قد ايه؟.. و حجمها قد ايه؟.. و موقعها ايه في الفضاء؟.. و جت منين و ازاي؟.. الفريق الفرنسي ده كان هدفه انه يحاول يقيس.. أو يستنتج محيط كوكب الأرض.. عن طريق حساب المثلثات.. الكوكب كان أيامها كروي و ماكانش حد بيقول انه مسطح .. قبل مئات السنين من انشاء ناسا .. اللي بتكذب علينا و تقولنا ان الأرض كروية.. زغم ان كلنا عارفين انها بلحية.. المهم.. الفريق الفرنسي المسائل فرطت منه.. قرية تطردهم بالطوب و النبابيت لأنهم عملوا حاجة استفزت الناس.. و الدكتور بتاع البعثة يتقتل عشان حاول يشقط واحدة من أهل البلد.. و عالم النباتات اللي معاهم اتجنن.. و ناس تانية ماتت بسبب الحمى.. أو وقعوا من فوق جبل.. وواحد من قادة البعثة شقط بنت عندها ١٣ سنة و هرب معاها.. فالمسألة يعني باظت تماما و اضطروا يوقفوا الشغل يمكن ٨ شهور تقريبا.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com