Հրանտ Մաթևոսյան. «Մեծամոր», 1981 թ: Ռեժ. Կարլեն Վարժապետյան

Հրանտ Մաթևոսյան. «Մեծամոր», 1981 թ., Երևան: Սցենարի հեղինակ և ռեժիսոր՝ Կարլեն Վարժապետյան: Բեմադրող օպերատոր՝ Ֆրունզե Մկրտչյան Բեմադրող նկարիչ՝ Գաստելլո Գասպարյան Խմբագիր՝ Մարուսյա Մարտիրոսյան Դերերում՝ Սերգուշ Բաբայան, Ազատ Գասպարյան, Լևոն Իվանյան և այլք: «Մեծամոր»: Էսսե: Ռեպորտաժ Մեծամոր բլրից: Ազգերի խաղ: Ճակատագրի խաղ: Հրանտ Մաթևոսյանի էսսեն բեմականացվել է 1981 թ. Երևանում: Ձայնագրվել և տեսագրվել է մեկ օրում (!): Հեռուստաթատրոնի ներկայացումներն հետևյալ ճանապարհն են անցել. պիեսի ընտրություն, հաստատում, ներկայացման փորձեր, տեսագրություն, որի համար հատկացվում էր 1 շաբաթ: Ապա՝ մի քանի օր մոնտաժ, հանձնում, որին ներկա էին լինում հեռուստատեսության ղեկավարությունը, գեղարվեստական խորհուրդը, որից հետո նոր՝ հանձնվում էր հեռուստադիտողի դատին: Այս ներկայացումը տարբերվում է բոլոր հեռուստատեսային ներկայացումներից հետևյալ դետալով. ամբողջ պիեսի տեսագրությունը տևել է մոտ 2 ժամ, իսկ ստուդիայում նորարարական քայլ էր արվել. տաղավարի մի մասը վերածվել էր թատերական դահլիճի՝ աթոռներով՝ հանդիսատեսի համար: