ვინ დაუკვეთა გია გულუას მკვლელობა?

1994 წლის 20 აპრილს თბილისში, ნუცუბიძის პლატოზე, სკოლისა და საბავშვო ბაღის მიმდებარედ, შინაგან საქმეთა მინისტრის მოადგილე, 38 წლის გენერალი გია გულუა და მისი ორი თანამშრომელი ავტომატებით ჩაცხრილეს. თავდამსხმელები უნომრო მანქანით მიიმალნენ. მეორე დღეს პოლიციამ ქალაქში 59 უნომრო მანქანა დააკავა - თუმცა, მკვლელები მათ შორის არ აღმოჩნდნენ. ვის აწყობდა გენერლის სიკვდილი? ოთხი წლის შემდეგ უზენაესმა სასამართლომ ამ მკვლელობისთვის „მხედრიონის“ ლიდერები გაასამართლა, მაგრამ დამკვეთის ვინაობა არასოდეს დასახელებულა, მსჯავრდებულები კი შეიწყალეს. ამ ეპიზოდში ვეცნობით 1994 წლის პრესას, 2011 წლის საპარლამენტო კომისიის დასკვნასა და იმ ადამიანების მონათხრობს, რომლებიც გულუას მისი სიცოცხლის ბოლო კვირებში ესაუბრნენ. ვცდილობთ გავარკვიოთ, რას აკონტროლებდა სატრანსპორტო პოლიციის შეფი, რატომ ფიგურირებს მისი სახელი 90-იანი წლების სამ ყველაზე ბნელ საქმეში და რატომ მდებარეობს დღეს შინაგან საქმეთა სამინისტრო მისი სახელობის ქუჩაზე მაშინ, როცა გენერლის მკვლელობის საქმე კვლავ ღიაა. „უცხო ამბები“ „აი, ფაქტის“ YouTube სერიაა. „აი, ფაქტი“ საქართველოს დამოუკიდებელი საგამოძიებო მედიაა, რომელიც არცერთ პოლიტიკურ პარტიასა თუ ბიზნესჯგუფს არ ეკუთვნის და მხოლოდ მკითხველის მხარდაჭერით არსებობს. თუ გსურთ, რომ მსგავსი ისტორიების გამოძიება და მოყოლა გავაგრძელოთ, მხარი დაუჭირეთ „აი, ფაქტს“ - გადადით ჩვენს ვებგვერდზე და გახდით ჩვენი წევრი და მხარდამჭერი: https://ifact.ge #უცხოამბები #აიფაქტი #გიაგულუა #მხედრიონი #90იანები #შევარდნაძე #გამსახურდია #საქართველოსისტორია #iFact #Georgia #TrueCrimeGeorgia