توضيح حول القنص خلال الأعياد الدينية والوطنية

السلام عليكم ورحمة الله، الإخوان وعشاق القنص والمتتبعين الكرام، معاكم الحسين المركوم، فهاد الفيديو كنقدم ليكم توضيح مهم ورسمي رداً على كثرة التساؤلات والتعليقات اللي كنتوصل بها بخصوص ممارسة القنص خلال أيام العطل، سواء الأعياد الدينية أو الأعياد الوطنية، وتصحيح لبعض المغالطات اللي كتروج فمواقع التواصل الاجتماعي. أهم النقط اللي تطرقت ليها فهاد المقطع: الأعياد الدينية (ممنوع القنص): التأكيد على أن جميع الأعياد الدينية (بحال عيد الفطر، عيد الأضحى، فاتح محرم...) لا يُسمح فيها بالقنص نهائياً بحكم القرار السنوي عن كل موسم. تصحيح مغالطات مواقع التواصل: التحذير من منشورات مضللة كتروج لإمكانية القنص فبعض المناسبات (بحال فاتح محرم)، وتنبيه الإخوان باش ما يتبعوش إشاعات تقدر تطيحهم فمخالفات ومشاكل قانونية. الأعياد الوطنية (مسموح القنص): توضيح أن الأعياد والمناسبات الوطنية المعتمدة (بحال ذكرى المسيرة الخضراء، عيد الاستقلال، وثيقة الاستقلال 11 يناير،عيد العرش، استرجاع واد الذهب، ثورة الملك و الشعب، عيد الشباب، و غيرها.. ) كيكون فيها القنص مسموح ومفتوح خلال موسم القنص. الرجوع للمصادر الرسمية: الدعوة للالتزام بمضامين القرار السنوي الصادر عن الوكالة الوطنية للمياه والغابات الخاص بكل موسم (2025-2026)، أو استشارة الحراس الجامعيين ذوي الدراية والخبرة. باب التواصل والإرشاد مفتوح: كيبقى الهدف ديالي هو التوجيه والتأطير والغيرة على هاد الهواية والقطاع، وغادي نخلي ليكم الأرقام والتعليقات مفتوحة لأي استفسار أو توضيح. 0673997280 0661193014 كنتمنى تشاركو هاد الفيديو مع جميع الأصدقاء والقناصة لتفادي الوقوع فالمخالفات ونشر المعلومة الصحيحة. شكراً على وفائكم ودعمكم، ولا تنسوا الإعجاب والاشتراك في القناة ليصلكم كل جديد!