Пагрозы журналісту пасля відэа Ціханоўскага. Крывавая пятніца. Следчы, які закрыў Тутбай, сядзіць

Следчы, які закрыў партал TUT.BY і кінуў за краты 15 яго супрацоўнікаў, праз паўтара года сам аказаўся ў ізалятары. Інфармагенцтва “Позірк” пасля відэа Сяргея Ціханоўскага атрымала ліст з пагрозамі ў адрас палітычнага аналітыка Аляксандра Класкоўскага. У Польшчы закрываюць школы праз пагрозы “Крывавай пятніцы” — і гэтая навіна гучыць, што называецца, з кожнага праса… у Беларусі. Гэтыя тэмы галоўны рэдактар Belarus Tomorrow Павел Свярдлоў, галоўная рэдактарка Plan B Вольга Лойка і рэдактар "Беларускага расследавальніцкага цэнтра" Ігар Кулей абмяркоўваюць у свежым "Клубе галоўных рэдактараў".