DD News Mizoram Chanchinthar | 13 September 2026 | 6:30 PM

CHANCHINTHAR Local: Bairabi-Sairang Rel Kawng chu hawn a nih atangin vawiin hi a kum khat na chiah niin, Mizoram tan hmasawnna thlen tu a ni mek zel. Mizoram District hrang hrang a Lok Adalat neih ah thubuai sang 1 chuang chinfel niin, pawisa chungchanga thubuai cheng vbc 6 nuai 18 sing 8 sang 6, 600 chinfel a ni. Kaladan Multi Modal Transit Transport Project (KMMTTP) in nghawng a neih chungchangah Pu T Lalhlimpuia ho Siaha ah thutkhawm neih a ni. Jute chingtuten an hriat ngai thil pawimawhte a taka tihchhinna nena inzirtirna - Inter-State Training and Exposure Visit of Farmer chu hlawhtling takin Guwahati-ah zawh fel a ni. Vawiin khan Presbyterian Kohhran hnuaia Bial hrang hrangah Naupang Inkhawmpui hman a ni. The Salvation Army India Eastern Territory, Territorial Staff Band chuan vawiin khan an Silver Jubilee (Kum 25) an lawm. Mizoram a Catholic Sunday School Naupang te chuan vawiin khan Parish hrang hrang ah Inkhawm pui an hmang. Khawlailung leh Hmunzawl inkar Tuichang Lui motor kaina ah nimin khan chesual Tv Zoramchhana(39) S/o Lachawimawia Khawlailung chesualin, vawiin thleng hian a ruang hmuh ala nilo. Sairang leh Silchar inkar rel kawng chu lei tlahniam avanga hun engemaw chen khar a nih hnu ah vawiin atangin dan pangngai angin tlantir leh a ni. National : BRICS Summit neih mekah Prime Minister Narendra Modi chuan BRICS ramte theihna tihchak a rawt. China President Xi Jinping chuan BRICS Summit vawi 18-na a hman zawh hnuin vawiin chawhnu khan an ram panin a haw. BRICS ram hruaituten Pahalgam-a mifirfiakte pawikhawihna na takin an dem. World Health Organisation chuan BRICS Summit neih meka 'New Delhi Declaration' thuthlung an pawm chu tha a tih thu a tarlang. Khawchin hrilhlawkna chuan hmarchhak leh state dang hmun thenkhatah ruah a sur nasa dawn niin a tarlang. Haryana chuan India ram state zinga thisen pe hnem ber nihna a zawnin kum 3 chhung a hauh tawh. Indonesia, Java tuipuiah mi 200 chuang chuanna lawng a chesual a, mi 140 vel zawn mek an ni. Follow DD Mizoram:   / ddnewsmizoram     / ddnews_mizoram     / ddnewsmizoram