لمسة ولعبة الحلقة الرابعة: أشرف بن شرقي ويوسف بلعمري

وينج وباك شمال، يعني في الملعب بيلعبوا على خط واحد وممكن يتقابلوا، وكمان يرجعوا في المرتدات يدافعوا مع بعض، بس لو اتحطوا قدام بعض في منافسة، يا ترى مين هيكسب؟ في رابع حلقة من "لمسة ولعبة"، هنشوف الجبهة اليسرى للنادي الأهلي في مواجهة مختلفة. المرة دي مش هيواجهوا دفاع تقيل ولا هجوم متعب، دول هيواجهوا بعض. المواجهة هنا مش هي المشكلة الكبيرة، بس لما تكون المواجهة عبارة عن أسئلة ومعلومات عن تاريخ الكرة المصرية، أكيد الموضوع مش هيكون سهل! في كل حلقة من لعبتنا، هنختبر معلومات اتنين من نجوم النادي الأهلي. ومش كفاية تكون عارف الإجابة، لازم كمان تكون الأسرع في الضغط على البازر، والأهم إنك تكون من الناس اللي ما بتحبش الخسارة، حتى لو المنافس صاحبك وزميلك في نفس الفريق. أما قواعد اللعبة، فهي بسيطة: اللعبة بتتكون من 3 أشواط - اللي يكسب شوطين يكسب الجيم - في بداية كل شوط، بنختار موضوع من 6 موضوعات مختلفة - أول واحد يضغط على البازر هو اللي يجاوب، ولكل لاعب وسيلة مساعدة واحدة طوال الحلقة، وهي إنه يكلم زميل يجاوب له على السؤال. ‪@adidas‬ ‪@Alahly‬