شيلة روس الرجال الحلاحيل 2026 | دحام الضحيك & عبدالله براز الراجحي

- غابت نجوم الليل ومسامر الليل اركى على النفس الحزين ولهدها تجمعت مثل المزون المحاميل اللي ما يفصل برقها عن رعدها يالله بصبحٍ في طلوعه تهاليل تبرى به العله بعد طال امدها انا على السجات شفقان بالحيل تعبت من ضغط الحياة وكبدها وليا اعتزلت عن الغنا والتماثيل لقيت راحة راسي اللي فقدها وش مكسبي في طرق بعض المواويل رغباتنا ماتت وهي في مهدها الا الوجوب اللي عليها دواليل نطرب لها والنفس تعطي جهدها وشلون ما ينصى القصيد الحراويل وفعولهم بيض الوجيه تحمدها ينصونهم روس الرجال الحلاحيل ويحلحلون اللي جويدٍ عقدها لا اصتكت جموع الرياجيل والخيل والخبل قفت به تقطع زبدها في مقدم الصف الامامي رياجيل في ساعةٍ يعرف ثعلها واسدها اقلط عليهم هم هل البن والهيل ومجالسٍ بالطيب ركزت عمدها الضيف يلقى كل رفعة وتبجيل في حلةٍ تحفظ قدر من قصدها يامرحبا ترحيبة البدو بالسيل ترحيبةٍ طاح الشبب من بعدها من دورة المجمر لتقليطة الحيل كرمة كرامٍ وافيه في عهدها الليلة الحفلة جمالة وتكميل في ضف عودٍ عزها واعتمدها دعا بني عمه وجوه المشاكيل له قيمةٍ ميل الدهر ما جحدها محمد محمد ولو قيل ما قيل هذا ذخر ربعه وهذا سعدها عليه مردود المدايح مدابيل اولى بها ويجي لها في وعدها وسعود شبله ذاخره للمقابيل رام البطولة لين خذها بيدها قلته بعد فك الدروج المقافيل علي حجتها ومني سندها