من أجمل الأماكن في تايوان.. وما توقعت كذا

في هالفلوق رحت لواحدة من أشهر المدن في تايوان، مدينة جيوفين (Jiufen)، واللي تبعد تقريبًا ساعة عن تايبيه (Taipei). من أول ما وصلت حسيت إن المكان مختلف، مدينة مبنية على الجبل ومن أي زاوية تقريبًا تقدر تشوف البحر قدامك. بدأت يومي أتمشى في الأزقة القديمة والسوق الشعبي، بين محلات الشاي والأكل المحلي والأجواء اللي تخليك تنسى الوقت. أكثر شي يعجبني في تايوان هو الناس، دايم مبتسمين ولطيفين بشكل يخلّي التجربة أجمل. بعدها قررت أطلع هايكنق جبل كيلونغ (Keelung Mountain). المسار مو طويل، لكن أغلبه درج وصعود متواصل، وكان متعب أكثر مما توقعت. لكن أول ما وصلت القمة عرفت إن كل خطوة كانت تستاهل، لأن المنظر من فوق كان خرافي، تشوف المدينة والبحر والجبال كلها حولك بإطلالة 360 درجة. أما أصعب جزء فكان النزول، لأن الطريق كله تقريبًا درج، وأي خطوة غلط ممكن تتعبك بشكل كبير. بعد الهايكنق مريت على مقهى حلال وتعرفت على صاحبة المكان، وسولفت لي عن قصة المقهى وكيف كملت حلم زوجها بعد ما تعب، وكانت من أجمل المواقف اللي صارت لي في الرحلة. قبل نهاية اليوم جلست أشرب شاي وأتابع الغروب، وأفكر في أسبوعين قضيتها في تايوان. بصراحة كانت تجربة جميلة جدًا، وأكيد مو آخر زيارة. وهذا آخر فلوق من تايوان، أما الوجهة الجاية... فبتكون مفاجأة 👀 ____________________________________________________ ❤️ إذا حاب تدعمني في رحلاتي القادمة: PayPal: https://paypal.me/AnasDighriri ____________________________________________________ 👇 تابعوني على السوشيال ميديا لمحتوى أكثر: 👻 Snapchat:  / dighriri   📸 Instagram:   / ahdighriri   🎵 TikTok:   / dighriri   ــــــــــــــــــــــــــــــــــــــــــــــــــــــــــــــــــــــــــــــــ #تايوان #Taiwan #جيوفين #Jiufen #تايبيه #Taipei #هايكنق #سفر