Sumqayıtda “Premium” marketin açılışında baş verənlər - Başçının birinci müavini əraziyə gəldi...

Sumqayıt şəhərində daha bir iri ticarət mərkəzinin açılışı baş tutub. Şəhərin 10-cü mikrorayonunda yerləşən “Premium” marketin açılış mərasimi izdihamlı şəkildə keçirilib. Tədbirdə Sumqayıt Şəhər İcra Hakimiyyəti başçısının birinci müavini Teymur Səmədov, 44 günlük vətən müharibəsi şəhidi Şükür Həmidovun oğlu, qazilər və şəhər sahibkarları eləcədə minlərlə sakin iştirak edib. Açılışda çıxış edən Teymur Səmədov Sumqayıt Şəhər İcra Hakimiyyətinin başçısı Zakir Fərəcovun salamlarını iştirakçılara çatdırıb. O, ölkə Prezidentinin sahibkarlığın inkişafına göstərdiyi xüsusi diqqət və qayğını vurğulayaraq bildirib ki, Sumqayıtda bu sahənin inkişafı üçün geniş imkanlar yaradılıb. Daha sonra rəmzi açılış mərasimi həyata keçirilib və sakinlər marketdən istifadə imkanı əldə ediblər. Yeni açılan “Premium” market geniş çeşiddə ərzaq və gündəlik tələbat malları ilə seçilir. Sakinlər burada istədikləri məhsulları rahatlıqla əldə edə bilirlər. Açılış günü marketə üz tutan alıcılar həm məhsul çeşidindən, həm də qiymətlərin əlçatan olmasından razılıqlarını ifadə ediblər. Qeyd edək ki, “Premium” marketin fəaliyyətə başlaması şəhər sakinlərinin alış-veriş imkanlarını daha da asanlaşdırmaqla yanaşı, yeni iş yerlərinin açılmasına da səbəb olub. DİQQƏT! Kanalda yerləşdirilmiş bütün materiallar rəsmi mənbələrə istinadla yayımlanır! _ _ _ _ _ _ _ _ _ _ _ _ _ _ _ © Denaz TV - in istehsal etdiyi bütün materiallar MÜƏLLİF HÜQUQU İLƏ QORUNUR. TƏKRAR YAYIM QADAĞANDIR! _ _ _ _ _ _ _ _ _ _ _ _ _ _ _ Yeni videolardan xəbərdar olmaq üçün kanala ABUNƏ OLUB ZINQIROV düyməsini basın ki, hər dəfə yeni videolar paylaşanda sizə bildiriş kimi gəlsin Abunə ol:    / @denaztv2