{عرفوه بالعلم}(16) كوكب مقطوع من سجرة

مش سهل أبدا انك تكون .. كائن حي.. حسب معلوماتنا.. الكون كلله مافيهوش غير مكان واحد بس.. فيه حياة.. اسمه كوكب الأرض و على الكوكب ده.. من أعمق معاميق المحيط لقمة أعلى جبل.. المساحة اللي فيها حياة على سطح الكوكب ده.. ولا حاجة مقارنة بحجم الكون .. اللي زي ماقلنا قبل كده.. العلماء بيقدروا مساحته بحاصل ضرب خيال مصطفى بكري في خيال توفيق عكاشة.. بالنسبة للبشر بقى الموضوع أصعب كمان.. البشر هايشين على مساحة محدودة جدا علي الكوكب لأنهم لا يقدروا يعيشوا تحت المية.. ولا على المرتفعات العالية.. ولا في درجات الحرارة المنخفضة جدا ولا العالية جدا.. و النتيجة.. اننا كبشر مانقدرش نعيش على حوالي ٩٩.٥٪ من مساحة كوكب الأرض.. مش بس لأننا مانقدرش نتنفس تحت المية.. لأ.. ده كمان لأننا مانستحملش الضغط تحت المية.. المية أتقل بحوالي ١٣٠٠ مرة من الهوا.. عشان كده الضغط بيرتفع بسرعة كل ما نزلت لأعماق أعلى... ال ١٠ متر عمق بيفرقوا فرق شاسع في ارتفاع الضغط.. انما على اليابسة.. لو وقفت على قمة مبنى ارتفاعه ١٥٠ متر مثلا.. ولا هاتحس بأي فرق في الضغط.. فيه تغير.. بس بسيط جدا لدرجة ماتقدرش تميزها.. ولكن لو نزلت تحت المية لعمق ١٥٠ متر.. ببساطة.. هاتتفعص.. شرايينك هاتتفشخ.. و الرئتين هايتفعصوا يبقوا قد كنزاية حاجة ساقعة كده.. تخيل بقى ان فيه مخلوقات عايشة في أعماق أعلى من كده بكتير.. و ماحدش عارف ازاي بيستحملوا الضغط ده كله.. أعمق نقطة في المحيط.. هي خندق ماريانا في المحيط الهادي.. على عمق أكتر من ١١ كيلومتر تحت سطح المية.. متخيل الضغط هناك قد ايه؟ الضغط بيوصل ل7000 كيلو جرام في البوصة الواحدة.. احنا قدرنا نوصل للعمق ده مرة واحدة بس بغواصة قوية تستحمل الضغط ده و لكن لمدة زمنية بسيطة جدا.. العجيب بقى.. اننا لقينا في العمق ده مخلوقات كتير.. و منها أنواع من الجمبري عايشة عادي جدا تحت الضغط ده.. من غير أي طبقة على أجسامها تحميها من الضغط الرهيب ده اللي حتى أقوى الغواصات اللي البشر بنوها ماتستحملش تفضل فيه كتير قبل ما تتفشخ.. انت متخيل يعني ايه جمبرياية قادرة تعيش تحت ضغط قد ييجي ييجي عشرين تريلة متحملين شكاير اسمنت مرصوصين فوق بعض؟ للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com