ازاي تتحول من مُستهلك الى صانع محتوى

إنت ممكن تكون قضيت آلاف الساعات من حياتك بتتفرج على حياة ناس تانية. فيديو ورا فيديو. Scroll ورا Scroll. أفكار غيرك، تجارب غيرك، نجاحات غيرك، وحكايات غيرك. لكن… آخر مرة أنت عملت فيها حاجة بدل ما تتفرج على حاجة كانت إمتى؟ في الفيديو ده من مُحتمل، هنفكر في علاقتنا بالمحتوى بطريقة مختلفة. هل المشكلة فعلًا في الموبايل والسوشيال ميديا؟ ولا المشكلة لما الاستهلاك يتحول إلى الوضع الافتراضي لحياتنا؟ وهل لازم تكون مشهور عشان تعتبر Creator؟ هل لازم يكون عندك كاميرا احترافية أو مليون متابع؟ وهل كل شيء لازم تصنعه يتحول إلى Content أصلًا؟ هنشوف ليه أحيانًا بنخاف نبدأ، وليه بنقارن بدايتنا بمنتصف طريق شخص آخر، وليه أول حاجة تصنعها مش لازم تكون ممتازة، ولا حتى يشوفها أي حد. لأنك مش محتاج تبدأ بمشروع ضخم. ممكن تكتب فكرة. ترسم حاجة. تصور لحظة. تجرب. تتعلم. تشرح معلومة. أو ببساطة… تعمل شيئًا يخرج من دماغك إلى العالم. وفي النهاية، السؤال مش: "أشوف إيه؟" لكن: "أصنع إيه؟" مُحتمل كل شيء .. محتمل