【台語歌曲】自信勇敢咱的名 - 滅火器Fire EX. (致敬12強賽台灣奪冠)

自信勇敢咱的名 作詞：楊大正 Sam Yang 作曲：楊大正 Sam Yang 編曲：滅火器Fire EX.、周恆毅 演唱：滅火器Fire EX. 用恁送我的萬年筆 將心內的話寫佇批紙 出社會已經遮濟冬 毋捌對恁說出我的感謝 我知影恁愛我 就親像我愛我的囡仔 總有無限的疼惜 佮上深的寄望 是恁牽著阮的手 一步一步陪阮行 行過這个島嶼的坎坷運命 猶原勇敢的徛佇遮 無論風偌大 阮的心袂振動 志氣是恁共阮號的名 阮是驕傲的台灣囡仔 親愛的爸爸媽媽 希望恁知影 阮上大的理想 毋是欲偌好額 佇風風雨雨的社會 我一直真拍拚 為清白佮尊嚴 為一家伙仔 簡單平安過生活 是恁牽著阮的手 一步一步陪阮行 行過這个島嶼的坎坷運命 猶原勇敢的徛佇遮 無論風偌大 阮的心袂振動 志氣是恁共阮號的名 阮是驕傲的台灣囡仔 盤過上懸的山 藏入上深的海 自信勇敢 自由自在 咱徛出來 咱徛出來 用咱的愛佮期待 仝心為台灣 是恁牽著阮的手 一步一步陪阮行 行過這个島嶼的坎坷運命 猶原勇敢的徛佇遮 無論風偌大 阮的心袂振動 志氣是恁共阮號的名 阮是驕傲的台灣囡仔 自信勇敢的 台灣囡仔