Patioa amestu...

2025eko uda iritsi baino lehen, abentura berezi batean murgildu ginen Antoniano Ikastetxean: gure patioa amesten eta eraldatzen. Haurren ahotsak entzun, ideiak partekatu eta arkitekto taldearekin batera, patioa nolakoa izatea nahi genuen irudikatu genuen. Prozesuaren une berezienetako batean, klera koloretsuak eskuetan hartuta, haurrek beren ametsetako patioa lurrean bertan marraztu zuten. Jolasak, txokoak, egiturak… haien ideiek eta irudimenak patio osoa hartu zuten. Haurren, irakasle eta gurasoen ahotsetatik sortutako ideiak, pixkanaka, gure patioaren errealitate bihurtzen ari dira.