ឧបសម្ព័ន្ធទី ១ ជំពូក ក នីតិក្រមរួម ចំណុច ២ ខ ទំព័រ ១៩០ ភាគទី ១៤៣២

សូមស្វាគមន៌ ចំពោះការមកកាន់ឆានែលយើងខ្ញុំ (PPA (២៣តុលា១៩៩១))។ ទំព័រ ១៩០ ឧបសម្ព័ន្ធទី ១ ភារកិច្ចរបស់អាជ្ញាធរបណ្ដោះអាសន្តអ.ស.ប នៅកម្ពុជា " អ៊ុនតាក់ " ជំពួក ក នីតិក្រមរួម ១- ស្របតាមមាត្រាទី ៦ នៃកិច្ចព្រមព្រៀង អ៊ុនតាក់នឹងអនុវត្តអំណាចដែលចាំបាច់ ដើម្បីធានាការអនុវត្តន៌កិច្ចព្រមព្រៀងនេះ ដោយគិតទាំងអំណាចដែលទាក់ទិនទៅនឹងការរៀបចំនិងការដឹកនាំការបោះឆ្នោតដោយសេរីនិងត្រឹមត្រូវព្រមទាំងទិដ្ឋភាពទាំងឡាយនៃរដ្ឋបាលនៃប្រទេសកម្ពុជាដែលទាក់ទងទៅនឹងបញ្ហានេះ ។ ២- យន្តការខាងក្រោមនេះ នឹងត្រូវប្រើប្រាស់ដើម្បីដោះស្រាយបញ្ហាទាំងអស់ទាក់ទិនទៅនឹងការអនុវត្តន៌កិច្ចព្រមព្រៀងនេះ ដែលអាចកើតមានរវាងតំណាងពិសេសរបស់លោកអគ្គលេខាធិការ និងក្រុមប្រឹក្សាជាតិជាន់ខ្ពស់ "អេសអុិនសុី " : ក- អេសអុិនសុីត្រូវជួនមតិណែនាំដល់អ៊ុនតាក់ ដែលត្រូវគោរពតាមការណែនាំនេះដរាបណាមានកុងសង់សុីសក្នុងចំណោមសមាជិកអេសអុិនសុី ហើយដរាបណាមតិណែនាំនោះវាស្របទៅនឹងទិសដៅនៃកិច្ចព្រមព្រៀងនេះ ខ- បើសិនជាគ្មានកុងសង់សុីសក្នុងចំណោមសមាជិកអេសអុិនសុីនោះទេ ទោះបីជាមានការខិតខំប្រឹងប្រែងអស់ពីលទ្ធភាពរបស់ប្រធានក៏ដោយ សម្ដេចនរោត្តមសីហុនុជាប្រធានអេសអុិនសុី នោះនឹងមានសិទ្ធិធ្វើសេចក្ដីសំរេចស្ដីពីការជួនមតិណែនាំដល់អ៊ុនតាក់ដោយយកចិត្តទុកដាក់ គិតគូរទាំងស្រុងដល់ទស្សនៈទាំងឡាយដែលបានសំដែងឡើងនៅក្នុងអេសអុិនសុី ។ អ៊ុនតាក់នឹងគោរពតាមមតិណែនាំនោះ ក្នុងករណីមតិណែនាំនោះសមស្របទៅនឹងទិសដៅនៃកិច្ចព្រមព្រៀងនេះ គ- បើសិនជាសម្ដេចនរោត្ដម សីហនុ ប្រធានអេសអុិនសុី តំណាងស្របច្បាប់នៃអធិបតេយ្យភាពកម្ពុជា មិនអាចសំរេចបានក្នុងករណីណាមួយនោះ សិទ្ធិនៃសេចក្ដីសំរេចរបស់សម្ដេចនឹងផ្ទេរទៅអោយតំណាងពិសេសរបស់លោកអគ្គលេខាធិការ អ.ស.ប ។ តំណាងពិសេសនឹងធ្វើសេចក្ដីសំរេចចុងក្រោយដោយយកចិត្តទុកដាក់គិតគូរទាំងស្រុងទៅដល់ទស្សនៈទាំងឡាយដែលបានសំដែងឡើងនៅក្នុងអេសអុិនសុី ។ ឃ- សិទ្ធិអំណាចណាដែលទាក់ទិនទៅនឹងការអនុវត្តន៌កិច្ចព្រមព្រៀងនេះដែលបានប្រគល់អោយអេសអុិនសុីតាមកិច្ចព្រមព្រៀង នឹងត្រូវអនុវត្តដោយកុងសង់សុីស ឬបើសិនមិនសំរេចបានកុងសង់សុីសនោះទេ សិទ្ធិអំណាចនោះនឹងត្រូវអនុវត្តដោយប្រធានអេសអុិនសុី ដោយយោងតាមនីតិក្រមដែលបានរៀបរាប់ខាងលើ ។ ក្នុងករណីដែលសម្ដេចនរោត្ដមសីហុនុប្រធានអេសអុិនសុី តំណាងស្របច្បាប់នៃអធិបតេយ្យភាពកម្ពុជា មិនអាចសំរេចបានក្នុងករណីណាមួយនោះ សិទ្ធិសំរេចរបស់សម្ដេចនេះនឹងត្រូវផ្ទេរទៅអោយតំណាងពិសេសរបស់លោកអគ្គលេខាធិការអ.ស.ប ដែលអាចប្រកាន់យកនូវវិធានការចាំបាច់នានា ។ ង- ក្នុងករណីទាំងអស់ តំណាងពិសេសរបស់លោកអគ្គលេខាធិការអ.ស.ប នឹងកំណត់ថាតើមតិណែនាំ ឬវិធានការរបស់អេសអុិនសុី ស្របទៅនឹងកិច្ចព្រមព្រៀងឬទេ ។ ៣- តំណាងពិសេសនៃលោកអគ្គលេខាធិការ ឬប្រតិភូរបស់គាត់ត្រូវចូលរួមអង្គប្រជុំទាំងឡាយរបស់អេសអុិនសុី និងរបស់ស្ថាប័នបន្ថែមណាទៀតដែលអាចបង្កើតដោយអេសអុិនសុី ហើយត្រូវជូនដល់សមាជិកអេសអុិនសុីអំពីរាល់ពត៍មានចាំបាច់ទាំងអស់អំពីបណ្ដាសេចក្ដីសំរេចរបស់អ៊ុនតាក់ ។ សូមអាននៅទីនេះហើយកុំភ្លេច ផ្ទៀងផ្ទាត់និងសៀវភៅច្បាប់ដើម រឺ សៀវភៅដែលចំឡងពីច្បាប់ដើម ចៀសវាងការក្លែងបន្លំ បំភ្លៃ បំបាត់ពាក្យពេជ្យ ឃ្លា ឃ្លោង បំភាន់ការពិតប្រាស់ចាកពីអត្ថន័យរបស់ច្បាប់ដើម ។ សូមអរគុណ ។ -គេហទំព័រអង្គការសហប្រជាជាតិ៖ https://treaties.un.org -ចុចទីនេះទាញយកឯកសារពីគេហទំព័រអង្គការសហប្រជាជាតិ៖ https://treaties.un.org/doc/Publicati... -ឆានែល YouTube របស់យើងខ្ញុំបង្កើតឡើងដើម្បីចែករំលែកនូវ ច្បាប់ជាតិ ច្បាប់អន្តរជាតិ ប្រវត្តិសាស្រ្តនៃប្រទេសកម្ពុជា និង ច្បាប់សន្ន្និសិទប៉ារីសស្ដីពីកម្ពុជា ២៣តុលា១៩៩១ ដែលជាច្បាប់ដ៏អស្ចារ្យសំរាប់ការពារប្រទេសកម្ពុជា ដោយមានការទទួលស្គាល់ និង ធារនាការពារដោយអន្តរជាតិ មានអង្គការសហប្រជាជាតិ និង ម្ចាស់ហត្ថលេខី ដែលបានចុះហត្ថលេខានៅក្នុងច្បាប់នេះ គឺ កិច្ចព្រមព្រៀងស្ដីពីដំណោះស្រាយនយោបាយរួមមួយនៃ ជំលោះកម្ពុជា។ -ដូច្នេះក្នុងនាមយើងជាប្រជាជនខ្មែរ ដែលមានច្បាប់ដ៏ល្អឯក គួរណាស់នាំគ្នាព្យាយាមរៀនសូត្រអំពី ប្រវត្តិសាស្រ្ត និង ច្បាប់ទាំងនេះ ជាពិសេសច្បាប់២៣តុលា១៩៩១ ដើម្បីធ្វើជា ពលរដ្ខល្អ ពលរដ្ខសកម្ម ពលរដ្ខឯកត្តនាម ពលរដ្ខនិតិរដ្ខ និង ជាពលរដ្ដដែលយល់ដឹងអំពីនយោបាយជាតិរបស់ខ្លួន ដើម្បីជំរុញការអនុវត្តច្បាប់នេះអោយបានពេញលេញ់ ជាការរួមចំណែកកសាង និង ការពារប្រទេសរបស់យើង ពីការជ្រៀតជ្រែក ឈ្លានពានពីបរទេស ព្រោះវាជាក្បួនច្បា់ប់ដែលទាក់ទិនទៅនឹង អធិបតេយ្យភាព ឯករាជ្យ បូរណភាព និងភាពមិនអាចរំលោបបាន នៃដែនដី អព្យាក្រឹតភាពនិងឯកភាពជាតិកម្ពុជា។ -បើគ្រាន់តែសិក្សាររៀនសូត្រច្បាប់ ជំរុញអោយច្បាប់២៣តុលា១៩៩១អនិវត្តអោយបានពេញលេញ តាមដានស្វែងយល់អំពីនយោបាយ ចូលរួមការងារក្នុងសង្គម ដើម្បីការពារផ្ទះសំបែង កូនប្រពន្ធ បងប្អូន ញាត្តិមិត្ត និង ប្រទេសជាតិរបស់អ្នក អ្នកធ្វើមិនបាន តើអោយក្មេងៗ និង កូនៗរបស់អ្នកជំនាន់ក្រោយសង្ឃឹមអ្វីទៀតដើម្បីបន្តការងារពីអ្នក? -ចូលរួមចំណែកសិក្សាស្វែងយល់ទាំងអស់គ្នា ដើម្បីប្រទេសជាតិរបស់យើងទាំងអស់គ្នា មានតែការផ្ដើមចេញពីយើងម្នាក់ៗទេ ទើបអាចអោយប្រទេសជាតិយើងរឹងមាំបាន។ សូមអរគុណ។ #UNTAC #UN #23October1991 #២៣តុលា១៩៩១ #PPA2024 #សន្និសិទប៉ារីសស្ដីពីកម្ពុជា #សន្ធិសញ្ញាសន្តិភាពទីក្រុងប៉ារីស៍ស្ដីពីកម្ពុជា #ច្បាប់ #កិច្ចព្រមព្រៀស្ដីពីដំណោះស្រាយនយោបាយរួមមួយនៃជំលោះកម្ពុជា #អ៊ុនតាក់ #SNC #UNអ៊ុនតាក់២៣តុលា១៩៩១(កម្ពុជា) #កម្ពុជា #ស្រ៊ុនស្រ៊ន#ppa2025 #PPA2025