ئازادی مرۆڤ فەرهەنگسازی و ئایەندەی کوردستانلە دیدی خەزنەوییەوە

«ڕێکخراوی جاوتەنە» لە چێوەی ئەو ئەرک و پەیامەی هەڵیگرتووە لە بواری زمان، فێرکاری و فەرهەنگدا، نەرمنەرم هەموو ئەو بابەت و مژارانە بەسەر دەکاتەوە کە دەچنە بازنەی ڕاژە بەم بوارانە و وەک نەرێتیش ماوەماوە دەرفەت دەسازێنێت بۆ کەسانی کارامە بەمەبەستی بەشکردنی ئەزموونیان دەربارەی ئەم پرسانە ئەمجارە بە میوانداریی «شێخ موڕشید مەعشووق خەزنەوی» شەنوکەوی دۆزی وەکوو: ئازادی، فەرهەنگسازی و پەیوەندیی فێرکاری و ئایەندەسازی لە ڕوانینی ئەودا دەکەینە شاتەوەری باس. کۆی ئەم پرسانە لە لەژێر ناونیشانی «ئازادیی مرۆڤ، فەرهەنگسازی و ئایەندەی کوردستان لە دیدی خەزنەوییەوە» گرد دەکرێنەوە. مژاری دیدارمان دەچێتە خانەی ڕاژە بە جڤاک و وەڵاتمانەوە، ڕوانین و دیدگەی میوان، تۆ بڵێ خانەخوێ، داوامان لێ دەکات داوای بەشداریی هەر کەسێک بکەین لەم دیدارەدا، کە پەرۆشی ئەمڕۆ و سبەیی خۆی و دەوروبەرە.