2-тур голлари: Дурангга ўрин йўқ ҳозирча...

Суперлига-2026 стартида нодир ҳодисот: чемпионат тарихида илк марта дастлабки 2та турдан ўрин олган ўйинларда бирорта дуранг қайд этилмади. Бунинг ортидан эса турнир жадвали уч бўғинга ажралиб қолди: 6 очколиклар, 3 очколилар ва очкосизлар. Ҳозирча чемпионатнинг энг маҳсулдор иштирокчиси - «Нефтчи»да голлар нисбати 6:0 кўринишида. Қизиқ факт, Ислом Исмоилов жамоасининг 6та голи ҳам легионерлар ҳисобига ёзилди. ОКМК, «Машъал» ва «Сўғдиёна»да ҳозирча очко тугул, гол ҳам йўқ. Айниқса, Иван Бошкович жамоаси ўзига сира ўхшамаяпти - умумий 0:6ни бошқача иизоҳлаш қийин. «Қизилқум», «Бухоро» ва «Хоразм»нинг ўзидан кучлироқ рақиблар (тегишлича «Андижон», «Навбаҳор» ва ОКМК)ни мағлубиятга учратгани - бу 2-тур «интрига»си. «ҚЎҚОН-1912» - «ПАХТАКОР» - 1:2 (0:0) 4 март. Қўқон. «Марказий» стадиони. 2100 томошабин. Голлар: Тома Табатадзе (90+6-пен.) - Достон Ҳамдамов (49), Петр Пажишек (56). *** Достон Ҳамдамов жорий мавсум «Пахтакор»нинг ҳар икки ўйинида захирадан майдонга тушиб, жамоасининг 4та голида ҳам иштирок этди (2тадан гол ва ассист). «ҚИЗИЛҚУМ» - «АНДИЖОН» - 2:1 (1:0) 4 март. Навоий. «Ёшлар» спорт мажмуаси. 7350 томошабин. Голлар: Жамбули Жигаури (35), Ислом Кенжабоев (80) - Александре Андроникашвили (76). ** «Андижон»нинг «Қизилқум» майдонидаги ғалабасиз одими 10та ўйинга етди - 7та мағлубият ва 3та дуранг. «НАВБАҲОР» - «БУХОРО» - 0:1 (0:0) 5 март. Тошкент вил. «Олимпия» стадиони. 653 томошабин. Гол: Велко Филипович (73). *** Темур Кападзе («Навбаҳор») Александр Хомяков билан 7та ўзаро ўйиндан 6тасида очко йўқотди: 4та мағлубият ва 2та дуранг. *** «Бухоро» 2016 йилдан буён «Навбаҳор»¬ни чемпионат доирасидаги сафар ўйинида илк марта доғда қолдирди. Қолаверса, бухороликлар 15 йилдан сўнг чемпионатни кетма-кет 2та ғалаба билан бошлашди. Улар охирги марта 2011 йили шундай старт олиб, якунда 9-ўриндан жой олишганди. «МАШЪАЛ» - ЛОКОМОТИВ» - 0:2 (0:2) 5 март. Ғузор. «Марказий» стадиони. 476 томошабин. Голлар: Анзур Исмоилов (44), Қувонч Абраев (45+2). *** «Машъал»нинг Суперлигадаги голсиз серияси 4та ўйинга етди. Муборакликлар охирги марта 2025 йилнинг 8 ноябр куни «Насаф» дарвозасига йўл топишганди. *** «Локомотив» 2010 йилдан буён «Машъал» майдонида ютқазмаяпти - 7та ғалаба ва 1та дуранг. *** Анзур Исмоилов («Локомотив») 2003 йилдан буён элит лигада гол урган энг ёши катта футболчига айланди (40 ёш 10 ой 12 кунлик). Ўшанда «Цементчи» ҳимоячиси Олег Буров 41 ёш 7 ой, 16 кунлигида рақиб дарвозасини нишонга олганди. *** Қувонч Абраев жорий мавсум «Локомотив»нинг дастлабки 2та ўйинида 2та гол урди. Таққослаш учун, у бунга қадар жами 26та ўйинда 1та гол муаллифига айланганди. «СУРХОН» - «НЕФТЧИ» - 0:3 (0:1) 5 март. Термиз. «Сурхон Арена» стадиони. 2714 томошабин. Голлар: Стипе Перица (40, 48), Йован Жокич (72). *** «Сурхон» ўртача ёши 18,5га тенг ҳимоячиларга таянган бўлса, «Нефтчи»да бу кўрсаткич 29,5ни ташкил этди. Жумладан, ўтган мавсум кашфиёти Беҳруз Каримов 18 ёшида «Сурхон»ни илк марта сардор сифатида майдонга бошлаб тушди. «БУНЁДКОР» - «ДИНАМО» - 1:2 (0:2) 6 март. Тошкент. «Бунёдкор» стадиони. 1819 томошабин. Голлар: Самандар Мавлонқулов (83) - Азиз Амонов (8), Фирдавс Абдураҳмонов (15). *** Азиз Амонов («Динамо») «Бунёдкор»дан кетгач, «қалдирғочлар»га қарши 3та ўйинда 2тадан гол ва ассист қайд этди. «ХОРАЗМ» - ОКМК - 1:0 (0:0) 6 март. Урганч. «Хоразм» спорт мажмуаси. 6220 томошабин. Гол: Диёр Ортиқбоев (53). *** «Хоразм» чемпионат ҳисобидан ОКМК¬ни илк марта мағлубиятга учратди. Урганчликлар олдинги 6та қарама-қаршиликда 2та дуранг ва 4та мағлубият қайд этишганди. «СЎҒДИЁНА» - «НАСАФ» - 0:2 (0:2) 6 март. Самарқанд. «Динамо» стадиони. 712 томошабин. Голлар: Ойбек Рустамов (15), Шароф Муҳитдинов (22). Фойдаланилмаган пенальти: Люпче Дориев (74, С.). 1 НЕФТЧИ 2 2 0 0 6-0 6 2 ЛОКОМОТИВ 2 2 0 0 5-1 6 3 ПАХТАКОР 2 2 0 0 4-1 6 4 НАСАФ 2 2 0 0 3-1 6 5 БУХОРО 2 2 0 0 2-0 6 6 АНДИЖОН 2 1 0 1 5-2 3 7 ДИНАМО 2 1 0 1 3-3 3 8 НАВБАҲОР 2 1 0 1 2-2 3 9 БУНЁДКОР 2 1 0 1 2-2 3 10 ХОРАЗМ 2 1 0 1 1-1 3 11 ҚИЗИЛҚУМ 2 1 0 1 2-3 3 12 ҚЎҚОН-1912 2 0 0 2 1-3 0 13 ОКМК 2 0 0 2 0-2 0 14 СУРХОН 2 0 0 2 1-6 0 15 МАШЪАЛ 2 0 0 2 0-5 0 16 СЎҒДИЁНА 2 0 0 2 0-6 0 ТЎПУРАРЛАР Стипе Перица («Нефтчи») - 3та Қувонч Абраев («Локомотив») - 2та Достон Ҳамдамов («Пахтакор») - 2та Петр Пажишек («Пахтакор») - 2та Фирдавс Абдураҳмонов («Динамо») - 2та... 3-ТУР 10 март (сешанба) 19:00 «НЕФТЧИ» - «АНДИЖОН» («Футбол-ТВ») Бош ҳакам: Шавкат Насибуллаев. 19:45 «МАШЪАЛ» - «ҚИЗИЛҚУМ» (UzPFL) Бош ҳакам: Ғайрат Жўраев. 20:00 «ПАХТАКОР» - «НАВБАҲОР» («Спорт-ТВ») Бош ҳакам: Фирдавс Норсафаров. 11 март (чоршанба) 16:30 «СУРХОН» - «БУНЁДКОР» («Футбол-ТВ») Бош ҳакам: Наим Қосимов. 19:30 «ЛОКОМОТИВ» - «ҚЎҚОН-1912» («Футбол-ТВ») Бош ҳакам: Акобирхўжа Шукуруллаев. 19:45 «БУХОРО» - «ХОРАЗМ» («Спорт-ТВ») Бош ҳакам: Абдурашид Худойберганов. 12 март (пайшанба) 19:30 ОКМК - «СЎҒДИЁНА» («Футбол-ТВ») Бош ҳакам: Ильгиз Танташев. 20:00 «ДИНАМО» - «НАСАФ» («Спорт-ТВ») Бош ҳакам: Достон Раҳмонов.