Урлаг хэрхэн эрх мэдлийн гол зэвсэг болсон бэ? БАРОККО ҮЕ | УРЛАГИЙН АУГАА БҮТЭЭЛҮҮД

XVII зуунд Европын урлаг улам сүрлэг, хөдөлгөөнтэй, драматик болж эхэллээ. Хаадын ордон, сүм хийд, аварга уран зураг, баримлуудын цаана зөвхөн гоо зүй бус эрх мэдэл, шашин, улс төрийн далд хүч нуугдаж байв. Караважогийн гэрэл сүүдрийн драм, Бернинигийн амилсан мэт баримлууд, Рубенс, Рембрандт, Веласкесийн суут бүтээлүүдээс Версалийн ордны сүр жавхлан хүртэл — Барокко урлаг Европыг бүхэлд нь өөрчилсөн юм. Гэхдээ яагаад энэ үед урлаг ийм сүрлэг болсон бэ? Яагаад хаад, сүм хийдүүд урлагт асар их хөрөнгө зарцуулж байв?