شالو ضعونج لطميه لم البنين ع *كلماتي

شالو ضعونج**شالو ضعونج ليش مابين الغرايب شالو ضعونج مايحضرونج**مايحضرونج ولدج بعاد عليج ومايحضرونج شالت ضعونج الغربه وين ولدج شگد تمنيتي الكفيل الي يشيعج انتي دوم لكربله مشبوحه عينج جان ضنج يرجع وبيده يشيلج گطعو زنوده**وصوبو جوده گطعي ضنونج**گطعي ضنونج جفوفي مگطوعه ييمه گطعي ضنونج ***********،،،، ********** يمه مااگدر وحق موت الخذاج كون ادگن جادر وانصب عزاج وبيدي اشيل جنازتج واصرخ وراج يمه يحبيبه ولا ضايع رباج يمه عذريني**گطعو يميني خل يغسلونج**خل يغسلونج يمه يحبيبه الغرايب خل يغسلونج **،،،،،،،،،،،،،، ********** التربي اولاد ساعات المنيه تريد واحد منهم ينگط الميه واحد يحضر الجفن ويفزع اخيه حيف لاجن ولدج نذبحو سويه وحدج ضليتي**من الهضم ونيتي مايدفنونج**مايدفنونج حسره ضلت بالدليل ومايدفنونج ************************ اه ياگلبج حمل ضيم ومصايب حيود ربيتي وصفيتي ويه الغرايب فراگهم خلاج للهم والنوايب لمن عنج حملو شفتي العجايب خابت ضنونج**خابت ضنونج صفت غيبتهم طويله وخابت ضنونج ************************ خادمه ام حيدر يمولاتي وتگول رايده هاليوم احلفج بالبتول وبضلوع ابنج الداستها الخيول هموم البگلبي اريدنها تزول الخادمه توفقيها**همومي تزيليها واليخدمونج**واليخدمونج دوم ياذيهم مصابج اليخدمونج ************************* نسالكم الدعاء كلمات ام حيدر الحسيني صاحبة ديوان لوعة زينب والحسين من الله التوفيق