Sri Jagannath Ashtakam | श्रीजगन्नाथाष्टकम् | Kartik Raman | 100% Correct Lyrics | Devotional | Puri

Written by : Adi Shankaracharya Composer, Singer, Music Producer - Kartik Raman Piano, Mixing & Mastering - Kushal Bharatia A big thanks to @TheSanskritChannel - Uday for helping out with correct lyrics and pronunciation :) 🕉️ Sri Jagannath Ashtakam is a divine hymn composed by Adi Shankaracharya, celebrating the glory and grace of Lord Jagannath of Puri. This Sanskrit ashtakam (eight-verse composition) beautifully describes the Lord’s majestic form, his universal compassion, and the spiritual liberation he offers to devotees. This timeless stotra continues to be sung in the sacred premises of Jagannath Puri and by devotees worldwide seeking inner peace and divine connection. 100% Correct Spellings and Lyrics of Sri Jagannath Ashtakam कदाचित्कालिन्दीतटविपिनसङ्गीततरलो मुदा गोपीनारीवदनकमलास्वादमधुपः रमाशम्भुब्रह्मामरपतिगणेशार्चितपदो जगन्नाथः स्वामी नयनपथगामी भवतु मे ॥ १ ॥ भुजे सव्ये वेणुं शिरसि शिखिपिंछं कटितटे दुकूलं नेत्रान्ते सहचरकटाक्षं विदधते । सदा श्रीमद्वृन्दावनवसतिलीलापरिचयो जगन्नाथः स्वामी नयनपथगामी भवतु मे ॥ २ ॥ महाम्भोधेस्तीरे कनकरुचिरे नीलशिखरे वसन् प्रासादान्तस्सहजबलभद्रेण बलिना । सुभद्रामध्यस्थस्सकलसुरसेवावसरदो जगन्नाथः स्वामी नयनपथगामी भवतु मे ॥ ३ ॥ कृपापारावारस्सजलजलदश्रेणिरुचिरो रमावाणीरामस्सुरदमलपद्मोद्भवमुखैः । सुरेन्द्रैराराध्यः श्रुतिगणशिखागीतचरितो जगन्नाथः स्वामी नयनपथगामी भवतु मे ॥ ४ ॥ रथारूढो गच्छन् पथि मिलितभूदेवपटलैः स्तुतिप्रादुर्भावं प्रतिपदमुपाकर्ण्य सदयः । दयासिन्धुर्बन्धुस्सकलजगतां सिन्धुसुतया जगन्नाथः स्वामी नयनपथगामी भवतु मे ॥ ५ ॥ परब्रह्मापीडः कुवलयदलोत्फुल्लनयनो निवासी नीलाद्रौ निहितचरणोऽनन्तशिरसि । रसानन्दो राधासरसवपुरालिङ्गनसुखो जगन्नाथः स्वामी नयनपथगामी भवतु मे ॥ ६ ॥ न वै प्रार्थ्यं राज्यं न च कनकमाणिक्यविभवं न याचेऽहं रम्यां निखिलजनकाम्यां वरवधूम् । सदा काले काले प्रमथपतिना गीतचरितो जगन्नाथः स्वामी नयनपथगामी भवतु मे ॥ ७ ॥ हर त्वं संसारं द्रुततरमसारं सुरपते हर त्वं पापानां विततिमपरां यादवपते । अहो दीनानाथं निहितमचलं निश्चितपदं जगन्नाथः स्वामी नयनपथगामी भवतु मे ॥ ८ ॥ इति श्रीमद्शङ्कराचार्यप्रणीतं जगन्नाथाष्टकं सम्पूर्णं॥ जगन्नाथाष्टकं पुण्यं यः पठेत् प्रयतः शुचिः । सर्वपाप विशुद्धात्मा विष्णुलोकं स गच्छति ॥९॥