شروڤەکرنا پەرتووکا (قواعد فی فقە القلوب) | وانا حەفتێ | م. حسن گەلناسکی

[بسم الله الرحمن الرحیم] پەرتووک ب شێوازێ pdf : https://drive.google.com/file/d/1XrZR... مروڤێ موسلمان هەست ب بەختەوەریێ دکەت ل دەمێ کو دلێ وی پڕی باوەری بیت و ڤالا بیت ژ هەر گومانەکێ کو ژیانا وی تێک بدەت، هەروەسا دلێ وی ئەگەر خەم و نەخوشی گەهشتنێ دێ ئەڤ دلێ هەنێ یێ ڤالا بیت ژ باوەریێ، دێ یێ پڕی گونەهـ و دیڤچویێت نەفسێ بیتن. [ئیبن قەیم جەوزی] خودێ دلۆڤانییێ پێ ببەت دبێژیت: پرتپرتبوونەک یا دلیدا هەی، ناهێتە لێکدان هەتا ب بال خودێڤە نەزڤڕیت و هەژوکییەک یا دلیدا هەی ب تنێ نێزیکبوونا ل خودێ وێ ژ دلی ڕادکەت و دودلییەک یا د دلیدا هەی، ب تنێ چوون بەرڤ ب خودێڤە وی دلی ئارام دکەت و ئاگرەکێ پەشیمانییێ یێ دلیدا هەی، ب تنێ ڕازیبوونا ب فەرمانا خودێ و پاشڤەلێدان ژ وی تشتی خودێ نەهی ژێ کری و ئارامگرتن ل سەر پەرستنا خودێ وی ئاگری دڤەمرینیت و پێدڤی و محتاجییەک یا د دلیدا هەی، ب تنێ حەزژێکرن و چوونا بەرەڤ خودێ و بەردەوام بیرئینانا خودێ و ڕاستگۆیێ د گەل خودێ وێ پێدڤییێ دابین دکەت و ئەگەر هندی تشتەکێ د دنیایێدا بو وی بهێتە دان، ئەو پێدڤییا وی چو جاران دابین نابیت، ئیلا ب چوونا بەرەڤ خودێڤە بیت. الایمان والحیاه: ص(87)