«Ұлттық нейрохирургия орталығында» он мыңға жуық адам дертіне шипа тапты

Екі жарым мың. Астанадағы «Ұлттық нейрохирургия орталығы» жылына осынша операция жасайтын көрсеткішке жетті. Ол құрылған 8 жыл ішінде мамандар бұрын елімізде болмаған 60 емдеу әдісін үйгеріпті. Соның арқасында мидағы ісік, жұлын мен омыртқадағы және өзге де дертке шалдыққандар өзімізде шипа табуда. Келер жылы орталықтың мұқтаждарға көмектесу мүмкіндігі тағы ұлғая түседі деген жоспар бар. Әріптесім Ердәулет Байдуллаевтың материалы. Операция үстелінде жатқан 50 жастағы науқас. Соңғы 4-5 жыл бойы миындағы ісік маза бермепті. Дәрігерлер үшін мұндай ауру қоздырғышын жою үйреншікті жағдайға айналғандай. Сегіз кейде 12 сағатқа созылатын операцияны сәтті өткізуде.