Os servizos ecosistémicos: auga e patrimonio

O monte veciñal de Mouriscados no concello pontevedrés de Mondariz, conta cunha superficie consolidada de 291 hectáreas, na que medran unha pluralidade de especies forestais, está centrado na produción de madeira de calidade de coníferas, combinado con outras producións secundarias como é a melífera. No ano 2022 estableceuse neste espazo un monte demostrativo co obxectivo de contar cun espazo que servise de exemplo de prácticas silvícolas sostibles e da conservación dos seus numerosos recursos ecosistémicos. Os servizos ecosistémicos son aqueles servizos que prestan os ecosistemas á sociedade é que son esenciais para o seu benestar. Os montes son fornecedores dunha infinidade destes servizos, pero neste caso centrarémonos en dous: os recursos hídricos e o patrimonio cultural.