សូមជូនប្រវត្តិលោកតាសួងអ្នកសច្ចំភ្នំត្បែង​ ភាគទី ១២

សូមជូនប្រវត្តិអ្នកសច្ចំភ្នំត្បែងឈ្មោះលោកតាសួងភាគទី១២-ដែលពលរដ្ឋខ្មែរមួយចំនួនបានដឹងនូវប្រវត្តិនេះតែពលរដ្ឋខ្មែរភាគច្រើនមិនបានដឹងប្រវត្តិលោកតាសួងដែលជាអ្នកសច្ចំភ្នំត្បែងនេះទេកន្លងមករហូតសព្វថ្ងៃតើមានប្រវត្តិយ៉ាងណាខ្លះ ? ។ ដោយយោងទៅតាមការវិភាគរបស់យើងគឺរកឃើញថាមានភាពស្រពិចស្រពិលហាក់ហៅឮល្វើយៗតែទោះយ៉ាងណាក៏យើងបានដាក់ការសង្ស័យត្រង់ចំណុចដែលមានលោកសង្ឃវ័យក្មេងគឺជាលោកតាសួងក្លែងខ្លួនចួបនឹងឪពុកទៅសួររកផ្នូរនៅកន្លែងដែលគេសម្លាប់ហើយយកទៅកប់ដោយឲ្យឪពុកលោកតាជូនទៅរកផ្ទាល់ ។ តែយើងក៏ឆ្ងល់ផងដែរត្រង់ចំណុចមួយក្នុងចំណោមចំណុចជាច្រើនទៀតនៅពេលដែលឪពុកលោកតាសួងនិយាយរឿងរ៉ាវអំពីការសម្លាប់លោកតាសួងប្រាប់ទាំងប៉ុន្មានគឺលោកសង្ឃវ័យក្មេងនោះហាក់គ្មានចាប់អារម្មណ៍អីបន្តិចទាល់តែសោះ ។ គឺក្នុងន័យដឹងថា៖សាកសពដែលនៅក្នុងផ្នូរនោះគឺជារូបលោកតាសួងខ្លួនឯងតែឪពុកមិនយល់ក៏ចេះតែបររទេះនាំលោកសង្ឃវ័យក្មេងសម្ដែងបដិហារនោះរហូតទៅដល់ផ្នូរដែលជាទីកន្លែងបញ្ចុះសពលោកតាសួងខ្លួនឯងនោះឯង!ក្នុងន័យនេះគឺដូចជាអាថ៌កំបាំងណាស់ហាក់ដូចជាលោកតាសួងអ្នកសច្ចំភ្នំត្បែងនោះគឺតួអង្គតែមួយគឺឃើញក្មេងផងចាស់ផងស្លៀកសផងស្លៀកស្បង់ជីពដូចលោកសង្ឃផង ។ លោកតាសួងអ្នកសច្ចំភ្នំត្បែងចូលចិត្តរស់នៅតែតាមព្រៃភ្នំហើយក្នុងមួយជីវិតលោកតាគឺមានគេសម្លាប់លោកតារហូតមិនដឹងប៉ុន្មានដងទេហើយអ្នកដែលសម្លាប់លោកតាទាំងប៉ុន្មានគឺឃើញស្លាប់មែន!តែតាមពិតលោកតាអត់ស្លាប់ទេតែអនិច្ចាសង្ខារត្រូវតែអស់ព្រោះជាច្បាប់ធម្មជាតិតែលោកតាមិនបានស្លាប់ដោយគេសម្លាប់ទេ ។ ហើយអ្នកដែលបានសម្លាប់លោកតាទាំងប៉ុន្មាននោះក៏ត្រូវស្លាប់វិញទាំងអស់ជាយថាហេតុយ៉ាងឆាប់រហ័សបន្ទាប់ពីសម្លាប់លោកតារួចមកដោយប្រការផ្សេងៗតែខុសជំនាន់គ្នាក្នុងរយៈពេលយ៉ាងខ្លីបន្ទាប់ពីសម្លាប់លោកតារួចមក!តែលោកតានៅតែបា្រកដខ្លួនឡើងគ្រប់ទីកន្លែងដែលជាហេតុធ្វើឲ្យអ្នកស្រុកចេះតែឆ្ងល់គ្រប់ៗគ្នា ៚