中路北極殿 訂製主題曲《陣頭這條路》歌詞版 MV

出品｜歌曲企劃｜編詞編曲｜羽攝影 監製｜中路北極殿 專屬主題曲洽詢：   / yustation1212   【主歌一】 帝爺公的神轎 對街尾慢慢行過來 扛轎彼陣少年仔 流汗講笑嘛真自在 有人顧前 有人顧後 一步一步認真行 我徛佇路邊看𪜶 親像看著彼時的咱 鑼鼓聲對身邊過 往事煞綴著聲轉來 干焦看𪜶的背影 二十外冬閣浮上心內 【副歌一】 中路的魂啊 中路的人啊 中路北極殿 咱的帝爺公 彼時是咱扛 這馬換恁行 一代接一代 行仝一條路 彼時的咱啊 少年性命 一句兄弟 啥物攏毋驚 路若遠啊 做伙行 肩若重啊 有人講 「來，我接。」 【主歌二】 彼時的咱 毋知未來會行去佗位 兄弟一句 不管外暗攏會到位 有人為厝內 有人為感情 嘛有人一時 行毋著路 帝爺公若欲出陣 毋免啥人叫 鑼鼓若一聲起 逐家自然轉來 神轎若重 就換個人扛 你若扛袂牢 我接 【副歌二】 中路的魂啊 中路的人啊 中路北極殿 咱的帝爺公 彼時是咱扛 這馬換恁行 一代接一代 行仝一條路 彼時的咱啊 少年性命 一句兄弟 啥物攏毋驚 路若遠啊 做伙行 肩若重啊 有人講 「來，我接。」 看著你　從少年走到今天 一路走來　歲月改變了容顏 那年肩上的夢　從未走遠 鑼鼓再響起的瞬間 我知道那個少年 一直都在你心裡面 【主歌三】 少年彼時 咱扛的是帝爺公 行到這馬 咱扛的是一个家 老爸老母漸漸老 某囝咧等我 以前愛拚輸贏 這馬學會放下 兄弟毋是散 是逐家攏有責任 有人顧厝 有人為生活打拚 少年彼陣的義氣 到今猶原仝款 你若真正忝 彼句「我接」猶原佇咧 【橋段】 走了這麼多年 你還記得嗎 當初最放不下的 從來不是輸贏 我知影 是兄弟若忝 有人共伊接 是帝爺公若出陣 咱自然會轉來 那就記得 別讓這份心走遠 【最終副歌】 中路的魂啊 中路的人啊 中路北極殿 咱的帝爺公 彼時是咱扛 這馬換恁行 以後閣有人 行仝一條路 人會老去 青春會過 扛轎的肩胛 一代一代換 帝爺公的敬 中路的情 兄弟彼份義 永遠毋通換 路若遠啊 做伙行 肩若重啊 有人講 「來，我接！」 【尾段】 鑼鼓聲漸漸行遠 我嘛準備欲轉去 彼時是咱 這馬是恁 那個少年 一直都在 中路的魂 猶原佇遮 【器樂尾奏】 鑼鼓聲漸遠 樂器延續尾韻 慢慢淡出