16 ЖАСТАҒЫ СТУДЕНТТІ ӨЛІМГЕ ИТЕРМЕЛЕГЕН ЖАТАҚХАНАДАҒЫ ӘЛІМЖЕТТІК ПЕН ҚОРЛЫҚ СОТТА ҚАРАЛЫП ЖАТЫР

Ақтөбеде колледж жатақханасында 16 жастағы студенттің төртінші қабаттан құлап, көз жұмғанына байланысты қылмыстық іс сотта қаралып жатыр. Айыптау материалдарына сәйкес, төртінші курс студенті Мәди Сүгербай жасөспірімді түнде дүкенге бару үшін жатақхана терезесінен түсуге мәжбүрлеген. Салдарынан Нұрбақыт Бақыт биіктен құлап, ауыр жарақат алған. Дәрігерлер оның өмірі үшін 42 күн күрескенімен, жасөспірім ауруханада қайтыс болды.