Həyatında boşluq varsa, deməli doğru yerdə deyilsən.| 5-ci bölüm: Rövşən Abdullaoğlu

Təkan TV-nin 5-ci bölümünün qonağı Rövşən Abdullaoğludur. Rövşən Abdullaoğlu bu bölümdə öz həyat təcrübəsini, dünyagörüşünü və "Tək an"-ını bizimlə bölüşüb. _______________________________ Rövşən Abdulla oğlu Abdullayev 28 sentyabr 1978-ci ildə Bakı şəhərində ziyalı ailəsində anadan olmuşdur. Filosof şərqşünas və psixoloqdur. Azərbaycan Dövlət İqtisad Universitetini bitirdikdən sonra ərəb və fars dilində teologiya, ərəb ədəbiyyatı, Şərq və Qərb fəlsəfəsi sahəsi üzrə müxtəlif ali məktəb ocaqlarında təhsilini davam etdirmışdir. Moskva Pozitiv Texnologiyalar və Konsaltinq İnstitutunun “Psixoloji Konsultasiya” fakültəsi məzunudur.  Çox fərqli üslubda yazılmış motivasiya kitabları Rövşən Abdullaoğlunu bir yazıçı kimi məşhurlaşdırır. “Arxadakı körpüləri yandırın”, “Hər bir insan hökmdardır”, “Çətin olsa da, həyat davam edir”, “Üsyan”, “Qorxular” kitablarında yazar Şərq və qərb psixologiyasına müraciət edir, teoloji və psixoloji yanaşmaları sintez edərək yeni motivasiya üsulları təqdim edir. “Çətin olsa da, həyat davam edir” kitabı 2019-cu ildə Türkiyədə də nəşr olunur və qısa zamanda türkiyəli oxucuların rəğbətini qazanır. İlk psixoloji romanı olan “Bu şəhərdə kimsə yoxdur” kitabı yazıçıya xüsusi uğur gətirir. Əsər 2016-2018-ci illər ərzində Azərbaycanda ən çox satılan kitab olur. Müəllifin intihar kabusundan bəhs edən ikinci romanı “Relslər üzərinə uzanmış adam” romanı da çox böyük uğur qazanır. Kitabın ilk tirajı cəmi iki həftəyə satılır. Bu əsər həm də Srebrenitsa soyqırımının acı nəticələrinə, müharibə dəhşətlərinə toxunur. _______________________________ Qəlbə toxunan, ruhu oyadan və insanı dəyişdirən söhbətlər… “Təkan” — Allahdan gələn ilhamı, imanı və həyatın dərin mənalarını araşdıran bir podcastdir. Burada mənəviyyat, həyat dərsləri, daxili güc, səbir, dua və insanın Yaradanla olan bağı haqqında danışırıq. Hər epizod həyatınıza yeni bir baxış, qəlbinizə isə yeni bir təkan gətirmək üçün hazırlanır. ✨ 🌙 Allahın verdiyi işarələri anlamaq, ruhən güclənmək və həyat yolunda doğru istiqaməti tapmaq istəyirsinizsə, bu kanal sizin üçündür. 🔔 Abunə olun və ruhunuza təkan verən söhbətləri qaçırmayın.