Subah Bike Kharab Ho Gayi😩

Aaj subah achanak bahut tez 10 minute ke liye baarish start hui. Baarish ki boondein bhi bahut badi thi. Uske baad maine apni bike ko bahar nikala aur start karne ki koshish ki. Bahut zyada self aur kick lagaye lekin bike start nahi hui. Uske baad pados ke dost ne dhakka lagaya aur bike ko garage tak pahunchaya. Garage wale bhai ne bhi thodi mehanat ki lekin unse bhi start nahi hui. Unhone bola thoda samay lagega kyunki ye BS6 model hai aur isme zyada sensor rehte hain. Isme fault dhoondhne me bahut masha qqat lagti hai aur computer bhi achhe se kaam nahi karta. Uske baad mera dost mujhe meri shop par drop kar gaya. Phir dopahar ko main auto rikshaw se garage pahuncha aur poochha ki bike ho gayi? Unhone bola ki iski battery puri discharge ho chuki thi, usko charge par lagaya hai. Iske ilawa coil aur plug kharab tha usko bhi theek kiya hai, lekin abhi bhi jahan fault hai wo mil nahi raha. Unhone bola. raat ko zaroorat padi toh call karunga. Uske baad main auto rikshaw se ghar aaya. Phir shop par jaane ke liye bhai ki bike le li aur shop pahunch gaya. Shop par pahunche abhi aadha ghanta hi hua tha ki mere dost ka call aaya. Dost ne bataya ki mechanic sahab ka use call aaya tha aur unhone bola hai ki bike repair ho chuki hai, le jana! Iske baad maine mummy ko call kiya ki bhai ko bolna bike le aaye. #bikerepair #repairing #bs6bike