90k+ views गढ़वाली में सम्पूर्ण हनुमान चालीसा (जनार्द्धन नौटियाल) Hanuman Chalisa #hanumanchalisa

गढ़वाली में सम्पूर्ण हनुमान चालीसा #hanuman #bajrangbali #hanumanchalisa #garhwali #uttarakhandi वरिष्ठ गायक : जनार्द्धन नौटियाल #janardhannautiyal #nautiyal निर्माता और शब्द रचना : कुलदीप गौनियाल #kuldeepgauniyal संगीत : मोती शाह #motishah मास्टरिंग : सागर शर्मा सिलोड़ी, #sagarsharma स्टूडियो : सुरभि स्टूडियो, लक्ष्मी नगर, दिल्ली #surbhistudio कैमरा सहयोग : राकेश गौनियाल #rakeshgauniyal वीडियो एडिटिंग : कुलदीप गौनियाल प्रस्तुति सहयोग : मंगलदीप गौनियाल, गोपाल सिंह रावत "गबरू भाई" और अमन रावत "अक्कू" #mangaldeep, #gabrubhai, #amanrawat आधार : गोस्वामी तुलसीदास द्वारा रचित हनुमान चालीसा का गढ़वाली रूपांतरण #tulsidas #goswamitulsidas प्रथमे श्री गुरु महाराज थे प्रणाम कैरिक सेवा लगोंदु अर प्रभु श्रीराम की जौ जस दीण वली महिमा सुणोन्दु   हे बजरंगी बाबा तेकू प्रणाम करदु तेरु सुमिरन करदु निर्बल, अज्ञानी छों  मी बल बुद्धि की आशीष मंगदू   (संगीत)   जय हनुमान ज्ञान को  भंडारा ब्रह्माण्ड मा हूंदी  तेरी जय जयकारा ॥१॥    अंजनी पवन को लाडलू छै हनुमाना सैरु जगत मा ते जनू नि बलबाना  ॥2॥   (फिलर म्यूजिक)   शक्तिशाली छै बाबा तू सभ्यौं थै तरदी सद्बुद्धि तु दीन्दी बाबा कुमति थै हरदी॥3॥   पिंग्लू वरण तेरु कपड़ा छैं  मखमली  कन्दुड़ीयों बाली अर घुँगर्यली ल्वटली (४)   बज्र गदा हाथ लेकी झंडा पकड्यौं चा कांधी मा मूँजा कु जन्देऊ पैरयौं  चा(५)        (फिलर म्यूजिक)   रूद्र कु अवतारी छैई केशरी को प्यारो तेरी पूजा करद बाबा संसार सारो ॥६ ॥   विध्वान भारी भौत चालाक  छैई   तभी त राम जी कु, तू अपडू ह्वेई (७)   दिन रात राम जी कु गुण गान करदी राम लखन सीता थै  जिकुड़ी मा रखदी (८)                                    (कोरस)                              जय बजरंगी जय हनुमाना                              देवों का बीच रैंदा मेरा भगवाना   सीता  खुज्याणा मा छ्वटु बणी गैयी  लंका जलै की तू सीता सुध लैई (९)   विकराल बणी की रागशौं थै मारी   राम जी  की खुट्यों मा द्वी हाथ धारी  (१०)  (फिलर म्यूजिक)   संजीवनी बूटी लेकी लखन बचाई तभ जैकी रामजी की जुकुड़ी मा चैन आई (११)   राम जी तेरी बडैई कैरी  नि थकदा भरत जनु त्वेथे  भुला अपणु मनदा  (१२)   दाना संयाणा तेरो जौ जस  गंदीना राम जी भी त्वेथे  गौळा भिटें जन्दीना  (१३)   (फिलर म्यूजिक)     देवी देवता ब्रम्हा तेरो गुण गान करदीं  नारद शेषनाग  तेरी जयजयकार ब्वळदीं (१४)   पोथी पैड़ी पैड़ी नि हूंदू  महिमा को बखान यम कुबेर राजा बामण भी येमा थक्यान (१५)   सुग्रीव कु सदनी  दगड़्या बण्यूं रैई राम की कृपा से वेकु राज मीली गैई (१६)                                    (कोरस)                              जय बजरंगी जय हनुमाना                              देवों का बीच रैंदा मेरा भगवाना   विभीषण भी तेरु चेला बण्यू राई वेथे भी लंका कु  राज  मिली ग्याई (१७)   बिनसरी को सूरज चमकुणु छाई मिठू फल समझी त्वेन घल् घूली् द्याई (१८)   राम जी की मुंदडी गिची  मा दबैकी उड़ीगे ऊंचू आगास समुद्र लंघैकी  (१९)   दुन्या का कठिण काम सुफल ह्वे जांदा  जै पर तेरी कृपा बाबा ऊ  दुखी नि रांदा (२० )   राम दरबारा कु तू रक्षक छैई  बिन तेरी आज्ञा से क्वी भितर नि गैई  (२१)   (फिलर म्यूजिक)   तेरी खुट्यौं म बाबा सब सुख मिलि जांदा  जब छै तू रख्वालो फिर डैर कैकी नि रांदा (२२)   तेरू बाटू बाबा क्वी रोकी नी सकदु तेरी हूं हुंकार से ब्रह्माण्ड भी कौंपदू (२३)   भूत प्रेतों कु तू काल बणी आंदी कष्ट मा भक्तौं थै पार लगे जांदी (२४)                                      (कोरस)                              जय बजरंगी जय हनुमाना                              देवों का बीच रैंदा मेरा भगवाना   जु भी भक्त बाबा तेरो नौउ  जापदा  वेकी दुःख विपदा बाबा तूही हरदा  (२५)     जु भी मनखी बाबा तेरो  ध्यान लगान्दा  तेरी खुट्यौं मा ऐकी बाबा सुख चैन पांदा(२६)   इष्टदेव त्यारा छै राम भगवान जौ जस तू देई हे वीर हनुमान  (२७)   जै फर हे बाबा तेरी कृपा ह्वेई जांद मन इच्छा कु फल हे बाबा ऊं मनखी  पांद (२८)   चौदिशों मां बाबा तेरु उज्यालू करयौं चा तेरी राम भक्ति से उदंकार हुयूंचा (२९)   सच्चा मनख्यौं की तू रक्षा करदी  दुष्टों पाप्यौं थै छांट छांटी की मरदी (३०)    अष्ट सिद्धि नौ निधि कु तू रैयी दाता यनु वरदान दे ग्याई  जानकी माता॥31॥    राम नाम की कुटरी बंधी त्यारा पासा संदनि बटी रैई  बाबा  रामजी कु दासा॥32॥    तेरू  सुमिरण से रामजी मिलि जांदा जन्मों का दुःख जीवन मा नि  रांदा (३३)   आखिरी  तक बाबा राम नाम ल्यौंला   जन्म जन्मों मा तेरी भक्ति कना रौंला (३४)     जु सुख बाबा तेरी भक्ति मा मिलदा तेरी भक्ती का बनि बनि फूल खिलदा (३५)     तेरा सुमिरण से संकट कटे जन्दीना  तेरा नौ की माला जपदा जपदीना  (३६)     हे हनुमान जी तेरी जय जयकारा  हम फर कृपा कैर  लगै बेडापारा   (३७)     जु भी मनखी सौ बार जप तेरू करदु बंधनो से मुक्त व्हेकि प्रभु से मिलदु (३८)   हे बाबा जु भी तेरी चालीसा पढालु शिवजी की कृपा कु फल भी वू पालू (३९)   तेरा भक्त बाबा सदनी तेरा द्वार आला मन इच्छा पूरी करी राखी दे खयाला (४०)   हे पवन कु पुत्र बाबा बलशाली मंगल की मूर्ती छैई राम लखन सीता दगड सदनी मेरा मन माँ रैई