澳門｜舊區奇觀！｜整條街完全冇人租？｜裝修完的『南洋咖啡』海南雞飯值得食嗎？｜雞肉以外……油飯竟然完全唔合格？｜隱藏壁畫打卡位＋澳覓 App 遊客省錢攻略｜自費｜日常Vlog

加入我的youtube會員，每月只需10元，希望大家多多支持    / @853lifemacau   大家好！今日帶大家由新馬路國際酒店出發，步行前往十月初五街食海南雞飯。 由國際酒店向前行到海邊新街，會見到一座好靚嘅綠色建築——其實佢係全澳僅存三間之一嘅摩卡娛樂場（其餘兩間喺新麗華同金龍酒店）。不過呢條街好奇怪，明明有酒店、理應好多遊客，但整條街嘅舖頭竟然全部空置，半年前過嚟仲見到出租廣告，如今卻完全無人租，確實令人百思不得其解。 轉入十月初五街，假期時呢度會舉辦『康公夜市』。不過我自己覺得夜市主要吸引遊客，本地人反而極少過嚟，連我自己都只係去過一次。 再向前行就係新埗頭街，呢度有間東亞酒店，入面嘅『蘭香閣』叉燒非常出色！旁邊嘅『大龍鳳茶樓』，聽網友講點心水準一般，我自己就未試過，如果大家食過，歡迎喺留言區分享下評價！ 來到康公廟前地，呢度平時都會舉辦夜市活動，但我之前過嚟拍片發現人流極稀少，唔知係咪政府推廣力度不足？街口位置有間歷史悠久嘅『中國國貨公司』，近幾年致力推廣國貨；而附近亦有間前幾年好多遊客排隊買茶葉嘅老字號，佢哋嘅荔枝紅茶確實唔錯。 轉入大碼頭街，會見到華聯茶葉開嘅茶飲店，我間唔中都會幫襯，質素幾好。折返街口，有一間新開嘅漢堡店，之前喺『澳覓』App 睇過有優惠券。順帶一提，『澳覓』其實支援香港同內地電話號碼註冊，遊客過嚟澳門都可以買到優惠餐卷！ 繼續沿著十月初五街行，就會經過好出名嘅『南屏雅敘』，我自己好喜歡嚟呢度買沙翁。 最後經皇子街前往目的地。皇子街口有幅好靚嘅壁畫牆，非常適合打卡！壁畫對面係卡爾酒店，而我今日要試嘅『南洋咖啡』就喺酒店樓下。上次嚟遇著裝修，唯有改食『哥哥麵家』；今日佢哋重開，特登過嚟試下網評極高嘅海南雞飯！ 想知道呢間海南雞飯水準如何？想感受十月初五街嘅獨特氛圍？記得留意我呢條影片啦！ 如果鍾意呢類型澳門街坊美食探訪，記得Like同訂閱我哋，下次帶你食更多隱藏小店！ YouTube : 853lifemacau facebook : 生活大小事853lifemacau E-mail : 853lifemacau@gmail.com 🏠南洋咖啡 📍澳門海邊新街96-126號卡爾酒店地下E-G舖 ☎️6555 8714 #澳門 #澳門美食 #十月初五街 #澳門海南雞飯 #南洋咖啡 #海南雞飯踩雷 #澳門舊城區 #澳門探店 #澳門旅遊 #澳門散步 #康公夜市 #蘭香閣 #南屏雅敘 #澳門踩坑 #澳覓優惠 #澳門Vlog