«Չեն հարգում մեր աշխատանքը, ոչ մի ճանապարհային նշանի չեն հետևում»․ փողոցաշինության օրերը Գյումրիում

Գյումրիում փողոցաշինական աշխատանքների բարենպաստ օրերը կարճանում են։ Տասնյակ փողոցներում պետական, սուբվենցիոն ծրագրերով աշխատանքները շարունակվում են։ Ծավալներն համեմատաբար մեծ են պետական բյուջեի ֆինանսավորմամբ իրականացվող ծրագրերում։ 15 կմ երկարության փողոցների միջին նորոգումների ավարտի ժամկետը մինչև տարեվերջ է։ Իսկ Շիրակացի փողոցի 2,5 կիլոմետրի հիմնանորոգման աշխատանքները առաջին շերտի ասֆալտապատումով կավարտվեն, ծրագիրը կշարունակվի հաջորդ տարի։