YAP Gəncə şəhər təşkilatı ərazi partiya təşkilatında hesabat seçki yığıncağı keçirilib

Yeni Azərbaycan Partiyası Gəncə şəhər təşkilatı “Cavadxan” Ailə Sağlamlıq Mərkəzi Ərazi ilk partiya təşkilatında hesabat seçki yığıncağı keçirib. Yığıncaqda YAP Gəncə şəhər təşkilatının Aparat rəhbəri Orxan Əhmədov, təşkilatın məsul əməkdaşları Hüseyn Budaqov, Afər Məmmədov, Ərazi ilk partiya təşkilatının sədri və partiya üzvləri iştirak ediblər. Tədbiri giriş sözü ilə açan Orxan Əhmədov müasir, müstəqil Azərbaycan dövlətinin qurucusu, Ulu Öndər Heydər Əliyevin memarı olduğu, bu gün Prezident İlham Əliyevin rəhbərliyi ilə Yeni Azərbaycan Partiyasının hədəflərə doğru daha da inamla irəlilədiyini söyləyib. Orxan Əhmədov Yeni Azərbaycan Partiyasının ötən illər ərzində milli maraqlara əsaslanan fəaliyyət göstərməklə, ictimai-siyasi proseslərdə mühüm rol oynadığını, qarşısına qoyduğu məqsəd və vəzifələri uğurla yerinə yetirdiyini qeyd edib. Partiya rəhbərliyi tərəfindən qarşıya qoyulan vəzifələr, öhdəliklər, yeni sturuktur və yeni fəaliyyət haqda iştirakçılara məlumat verən Orxan Əhmədov “Cavadxan” Ailə Sağlamlıq Mərkəzi Ərazi ilk partiya təşkilatının hər bir üzvünü görüləcək işlərdə, keçiriləcək tədbirlərdə fəal olmağa çağırıb. İclaslarda ərazi partiya təşkilatının ötən dövr ərzindəki fəaliyyəti barədə hesabat məruzəsi dinlənilib. Çıxış edənlər ərazi partiya təşkilatlarının hesabat dövrü ərzindəki fəaliyyətini qənaətbəxş qiymətləndiriblər. Yığıncaqlarda təşkilati məsələlərə də baxılıb, Nurlana Zeynalova ərazi partiya təşkilatına sədr və Sədayə İsgəndərova sədr müavini seçilib. Digər çıxış edənlər Yeni Azərbaycan Partiyasının yeni proqramının yenilənən qərarlarından, ötən dövr ərzində görülmüş işlərdən və qarşıda duran vəzifələrdən danışıb, yeni seçilən sədr və sədr müavinini təbrik edərək işlərində uğurlar arzulayıblar. İclasda partiya üzvlərinin təklifləri dinlənilib, həmçinin cari məsələlərlə bağlı fikir mübadiləsi də aparılıb.