مشوار منتخب مصر في تصفيات كاس العالم 2010 (اداء خرافي من جيل العمالقة)

مشوار منتخب مصر في تصفيات كاس العالم 2010 (اداء خرافي من جيل العمالقة) منتخب مصر اللي كان بطل افريقيا 2006 في القاهرة وسط جمهوره وفي غانا 2008 بعد اداء خرافي ونتايج مبهرة قدر يكسب كل ثقة الشعب المصري مصر كلها وقتها كانت حاسه ان عندها منتخب قوي جدا وجيل صعب يتكرر ف الكرة المصرية حكاية الجيل دة بدأت من كاس العالم للشباب 2001 اللي منتخب الشباب قدر فيها ياخد البرونزية دة كان بداية جيل في الكرة المصرية هيغير تاريخ البطولات ف افريقيا بعدها جه جيل تاني في 2003 كان اكتر ابهار من جيل 2001 – جيل متكامل مع مدرب تقيل اسمه حسن شحاته الجيلين دول لما بدأو يحصلهم مزج طلعو منتخب مرعب لكل قارة افريقيا دة بقي بعد اضافة مواهب فريدة ليهم زي ابو تريكة وبركات واحمد حسن والحضري ووائل جمعة اللي هما معظمهم بيلعبو في العملاق القاهري الاهلي المصري اللي وقتها كان مسيطر تماما علي البطولات سواء ف مصر او في افريقيا او حتي في كاس العالم للاندية بقيادة العبقري المحظوظ مانويل جوزيه اللي قدر يعمل فترة ف الاهلي من انجح الفترات لاي مدرب مع اي نادي في العالم . مزج عناصر 2001 اللي منهم (حسام غالي ومحمد شوقي) مع عناصر 2003 زي (حسني عبد ربه واحمد فتحي وعماد متعب وعمرو ذكي ) كون جيل عملاق سيطر ع افريقيا من سنه 2006 لحد 2010 وقدر ياخد 3 بطولات افريقية في انجاز تاريخي غير مسبوق . سنة 2009 المنتخب كان في عزه وكان ف قمة المنحني بتاعه وكان الجمهور في قمة شغفه كرويا . نظام تصفيات 2010 كان مختلف شوية شارك في التصفيات دي 48 منتخب اتقسمو ع 12 مجموعة يصعد الاول وافضل 8 تواني مباشرة الي المرحلة النهائية م التصفيات . مصر وقعت في مجموعة مع مالاوي وجيبوتي والكونغو الديمقراطية والحقيقة ان مصر ملقتش اي صعوبة ف تصدر المجموعة بعد الفوز في 5 مباريات من 6 .