Emir Chelebi 1 پەنجەمۆر- چەلەبییەکانی هەولێر تورکمانن؟ نھێنیی داخستنی یەکەم گۆڤاری کوردی#پەنجەمۆر

لەم بەشەی بەرنامەی "پەنجەمۆر"دا، پێشکەشکار کاوە ئەمین میوانداریی دکتۆر ئەمیر چەلەبی دەکات؛ یەکەمین دەرمانسازی کورد؛ پەیوەندی بە شۆڕشی ئەیلوولەوە کردووە. دکتۆر ئەمیر پەردە لەسەر کۆمەڵێک بابەتی مێژوویی گرنگی شاری هەولێر و بنەماڵە ناودارەکەیان (چەلەبییەکان) لادەدات. لە رەچەڵەکی بنەماڵەکەیان و هۆکاری قسەکردنیان بە زمانی تورکمانی، تاوەکو مێژووی دەرچوونی گۆڤاری "رووناکی" لە ساڵی 1935 وەک یەکەمین چاپکراوی کوردی لە هەولێر. هەروەها شایەتیی گرنگ لەبارەی دادوەریی باوکی (حاکم مستەفا)، پەیوەندییان لەگەڵ مەلا مستەفا بارزانی، رۆژە رەشەکەی 9ـی حوزەیرانی 1936ـی سلێمانی و تاوانەکانی زەعیم سدیق و حەرەس قەومی دەخاتەڕوو.