وقفة الخلود | الرادود عبدالمنعم مرزوق | ليلة الثالث من محرم ١٤٤٨هـ

وقفة الخلود | الرادود عبدالمنعم مرزوق | ليلة الثالث من محرم ١٤٤٨هـ | #مأتم_السنابس الرادود #عبدالمنعم_مرزوق كلمات #عباس_فرحان --------------------------------------------------------------------- صحراءْ وأنت الوَرِد - وايسير ظَعن المَجِد وبالسَير شفتك تجِد - والخير بالقافِله موعود تالي ابفرُض - تسبيح فوق الأرُض كم خيل صدرك يرُض - وكم آه مِن كربله؟ صحواتك / غفواتك / نظراتك / كلها صبُر مثلك وين؟ / آ يحسين / تهدي الدِين / منّك عطُر هاتَف هَتف في مسمعَك جُمله الدهَر أحياها تمشي المطايا ابهالفَلَه وتمشي المنايا اوياها وصلنا كربله / نصبوا خِيَمكم بيها أهل الوفه اتحاچيها .. آ يـ مظلوم او زينب تِسمَعَك / واعيونها اعلى اعيونك هذا مَحَطّ اظعونك .. آ يـ مظلوم وقفة جوادك بوعلي / عالَم وقف / على بابك والغاضريّه اتعطرّت / واتطهّرت / بمصابك وصار الشفا بتْرابك هُنا خيَم مشبوبه هُنا حرَم منهوبه هُنا جثث مسلوبه وحامي الظعينه / مصيوبه عينه وصوتك كأنّه اينادي / حطّوا على هالوادي يا عزوتي ورجالي / عنها فلا ني رايح فيها العده تذبحني / وأبقى عفير وطايح راضي أنا ابهالتُربه / حطّوا على هالوادي ابهالقاع .. يوقع طفِل مذبوح .. نحره ابنبِل وزينب .. فوق الهزِل بلا والي .. وبلا كافِل طابت أرْض إلضمّت / مرقدك وطَن جنّه وأعظَم جَنّه / ويشهد الزمَن لو ما نوصل بابك / نمشي بالبدَن روح ابروح انجيلك / نوصل الصحٰن متى نوصل مشي ونسمع البشاره وصلنا كربله وبانت المناره قريبًا عاجِلاً دعوة الحيارى إلهي وفّق أحبابه للزياره حلمنا / تلمِنا / وتضمُنا / وصحنك نرِد يـ رحمه / يـ نعمه / ونشمّه / عطر الورِد ------------------------------------------------------------- إنتاج مأتم السنابس [2026 - 1448]