{تعاشب شاي}(2418) صناعة الفشل: العيب مش فيك.. العيب في النظام

أي يوم امتحان ثانوية عامة .. بتصحى الصبح تلاقي طيارات عسكرية بتنقل صناديق متبرشمة للقرى، وأجهزة تشويش قاطعة شبكات الموبايل عن مناطق بحالها، وجدول الكهربا بيتظبط عشان مفيش لمبة ترعش في لجنة. تحس إننا داخلين حرب إقليمية، أو بننقل مفاعل نووي، أو رئيس الوزراء شخصيا بيتابع خطة تأمين البنك المركزي. بس النكتة بقى لما تكتشف إن كل الرعب والجيش والفيلم الأكشن ده.. معمول عشان طالب عنده ستاشر سنة، قاعد غرقان في عرقه على ديسك مكسر في لجنة ، بيمتحن فيها في اللي "حفظه" طول السنة... إحنا بنعمل تعبئة عامة عشان نأمن ورقة كيميا. هل ورقة امتحان مدته ٣ ساعات مثلا تستحق الهلع ده كله؟.. تفتكروا فيه دولة في العالم المحترم .. عندها الأفلام دي؟.. عمركم سمعتوا عن رعب و قلق الثانوية العامة في أي دولة تانية أصلا؟ بس لو وقفت دقيقة وبصيت للورقة دي بعين المواطن المصري المطحون، هتفهم ليه الدولة والمجتمع بيتعاملوا معاها كأنها شفرة إطلاق النووي. الورقة دي مش مجرد امتحان بيقيس مستوى التحصيل الدراسي، دي "عقد إذعان" بيحدد قيمتك كبني آدم في المجتمع المصري لحد ما تموت. دي الباب اللي يا إما هيتفتحلك وتبقى "الباشمهندس" أو "الدكتور" اللي الناس بتحترمه وتتمنى تناسبه، يا إما هيترزع في وشك وتبقى "الفاشل" اللي هيفضل طول عمره يبرر للناس هو ليه دخل كلية نظرية. النكتة هنا مش في الامتحان نفسه، لكن في قناعتنا إن ده مقياس عادل، وإننا بنلعب في بطولة فيها تكافؤ فرص. تخيل طالبين داخلين نفس اللجنة، في نفس اليوم، وواحد فيهم خسران اللعبة فعليا قبل ما يكتب أول حرف. إزاي بقى الخدعة دي بتحصل بالظبط؟ وإيه السر اللي بيخلي رقم عشري واحد يحدد قيمتك كإنسان ويثبت إنك دخلت المعركة دي أعزل؟ للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com