Capitulo 2: Renacidas. Alba Franco: A espera que doe

No segundo episodio de O Fio que Nos Une escoitamos a voz de Alba Franco, sobrevivinte de violencia de xénero que leva cinco anos loitando por xustiza. Alba comparte como conseguiu saír da situación, as secuelas que arrastra e o impacto da falta de celeridade xudicial, mentres o seu agresor continúa en fuxida. A súa historia é un recordo contundente da forza das mulleres e das feridas que deixan tanto a violencia como o silencio institucional. Estas accións están financiadas pola Consellería de Política Social e Igualdade @igualdadegalicia con fondos do Pacto de Estado contra a Violencia de Xénero (Ministerio de Igualdade) @igualdadgob.