គ.ជ.ប.ទ៖ វគ្គបណ្តុះបណ្តាល និងអប់រំផ្សព្វផ្សាយ នៅសាលាខេត្តកំពង់ឆ្នាំង នាថ្ងៃទី១ ខែកញ្ញា ឆ្នាំ២០២៦

(កំពង់ឆ្នាំង) ៖ នៅថ្ងៃទី១ ខែកញ្ញា ឆ្នាំ២០២៦ គណៈកម្មាធិការជាតិប្រឆាំងទារុណកម្ម ដោយមានកិច្ចសហការជាមួយរដ្ឋបាលខេត្តកំពង់ឆ្នាំង បានរៀបចំពិធីបើកវគ្គបណ្ដុះបណ្ដាល និងអប់រំផ្សព្វផ្សាយ លើប្រធានបទ ស្តីពី តួនាទី ភារកិច្ច របស់គណៈកម្មាធិការជាតិប្រឆាំងទារុណកម្ម និងលិខិតបទដ្ឋានជាតិ អន្តរជាតិ លើការងារបង្ការ ទប់ស្កាត់ និងប្រឆាំងទារុណកម្ម ជូនមន្រ្តី សាធារណៈ មានសមត្ថកិច្ចគ្រប់គ្រងកន្លែងដកហូតសេរីភាព មន្រ្តីនគរបាលយុត្តិធម៌ អង្គភាពតុលាការ អង្គការមិនមែនរដ្ឋាភិបាល និងដៃគូអភិវឌ្ឍន៍នានា ក្រោមអធិបតីភាព ឯកឧត្តម កែវ តារាពង្ស អនុប្រធាន គ.ជ.ប.ទ តំណាងដ៏ខ្ពង់ខ្ពស់ ឯកឧត្តម សៀង ឡាប្រេស្ស ប្រធានគណៈកម្មាធិការជាតិប្រឆាំងទារុណកម្ម (គ.ជ.ប.ទ) អមដោយ ឯកឧត្តម ញ៉ាំង ទង សមាជិក គ.ជ.ប.ទ ឯកឧត្តម ផាន់ ចាន់ដារា សមាជិកក្រុមប្រឹក្សាខេត្ត លោក​ ជា សុខរិទ្ធិ អភិបាលរង តំណាងឯកឧត្តមអភិបាលនៃគណៈអភិបាលខេត្តកំពង់ឆ្នាំង តំណាងប្រធានសាលាដំបូងខេត្ត តំណាងព្រះរាជអាជ្ញាអមសាលាដំបូងខេត្ត តំណាងស្នងការដ្ឋាននគបាលខេត្ត តំណាងបញ្ជាការដ្ឋានកងរាជអាវុធហត្ថខេត្ត ប្រធានពន្ធនាគារខេត្ត និងមន្រ្តីជំនាញ ផ្នែកបណ្តុះបណ្តាល និងអប់រំផ្សព្វផ្សាយ លេខាធិការដ្ឋាន នៃ គ.ជ.ប.ទ នៅសាលប្រជុំសាលាខេត្តកំពង់ឆ្នាំង។ វគ្គបណ្ដុះបណ្ដាល នេះ មានការអញ្ជើញចូលរួមពីសំណាក់ រដ្ឋបាលខេត្ត ស្ថាប័នតុលាការ ស្នងការដ្ឋាននគរបាលខេត្ត អធិការដ្ឋាននគរបាលក្រុង ស្រុក បញ្ជាការដ្ឋានកងរាជអាវុធហត្ថខេត្ត មូលដ្ឋានកងរាជអាវុធហត្ថក្រុង ស្រុក ពន្ធនាគារខេត្ត មន្ទីរ/អង្គភាពជុំវិញខេត្ត អាជ្ញាធរក្រុងស្រុក អង្គការមិនមែនរដ្ឋាភិបាលធ្វើការងារការពារសិទ្ធិមនុស្ស និងភាគីពាក់ព័ន្ធច្រើនលើសការរំពឹងទុក។ 🌐Join Telegram: https://t.me/ncatcambodia 🌐Website: https://ncat.gov.kh/ 🌐Youtube:    / @ncat-cambodia   🌐TikTok: tiktok.com/@ncat.cambodia.org 🌐Facebook:   / national.committee.against.torture