《全天候唔踩》（All-Weather DNS) @zonezero.cc

曲詞監製 : Ai.單車L MV剪接拍攝 : Ai.單車L 燈光排舞 ：Ai.單車L 演員 : Jayden & Hailey @zzcc Yeah! 禮拜一至五！我個心已經喺條路度！ 放我出去！我要踩車啊！ (Verse 1) 禮拜一到五 坐喺Office度發癲 望住窗出面個太陽 我個心飛咗去大帽山之巔 日日掃住個IG 幻想自己係環法車手 同自己講 今個Weekend 我一定要大顯身手！ 買晒最貴嘅Jersey 換埋最靚嘅Carbon軨 洗乾淨條單車鏈 較好鬧鐘五點零 點知！禮拜六朝早！鬧鐘一響嗰下！ 拉開窗簾望一望 我決定——瞓返落床算吧！ (Pre-Chorus) 禮拜一返工 你問我點解唔出車？ 因為我對環境好有要求囉！ 聽住啦！ 落雨唔踩！地濕唔踩！ 太曬唔踩！太凍唔踩！ 大風唔踩！大霧唔踩！ 空氣差唔踩！行雷更加唔踩！ 太早唔踩！太晏唔踩！ 眼訓唔踩！肚餓唔踩！ 總之今日天時地利唔夾—— 我堅決唔踩！ 好啦到咗禮拜日 個天終於放晴 着好晒套Bib short 準備出門口搏命 點知摸下個袋 喂 呢樣無 嗰樣又無 作為一個專業嘅業餘車手 安全意識好高！ 裝備唔齊點出車？狀態唔好點發力？ 既然上天畀咗咁多暗示 我決定留返啲體力！ 你又問我點解推車返入屋？ 因為細節決定成敗囉！ 聽住啦！ 碼錶冇電唔踩！電話冇電唔踩！ 冇帶碼錶唔踩！冇相影唔踩！ 冇水唔踩！冇GEL唔踩！ 冇啡飲唔踩！未食早餐唔踩！ 未刷牙唔踩！未洗面唔踩！ 頭髮亂唔踩！未剃鬚唔踩！ 總之今日裝備儀容唔齊—— 我死都唔踩！ (FACE MELTING Guitar Solo) 其實出面個世界 真係好危險 你唔明㗎喇 呢啲叫「戰術性棄權」（DNS！） 1：5斜路唔踩！多車多燈唔踩！ 有狗唔踩！有野豬唔踩！ 阻住狗交配——更加唔踩！ 腳痛唔踩！牙痛唔踩！肚痛唔踩！ 萬一喺路中心 瀨屎瀨尿點算？！唔踩！ 爆呔唔踩！斷鏈唔踩！斷鈴支唔踩！ 爆衫唔踩！血糖低唔踩！失戀唔踩！ 舊曆七月唔踩！老細急call唔踩！ 要湊仔唔踩！老婆唔准——我絕對唔敢踩！ 禮拜一返工 再繼續幻想！ 下個禮拜好天？ 睇下點先啦！ 唔！踩！