$7,980 無線耳機 Noble Artemis 實測！新手盲測 Hi Res vs AAC 分別結果一面倒？動圈、平板、動鐵三單元：闊音場全面得嚟又有個性

今次 Vincent 搵埋 Bella 一齊試玩呢隻希臘女神無線耳機 Noble Audio Fokus Artemis！為咗畀平時用開YouTube聽歌嘅 Bella 感受七千幾蚊耳機嘅聽感，特別搵佢做咗個測試，同一首歌隨機用 LDAC 播放 Hi-Res 音訊 或者 用 AAC 直駁 iPhone，睇佢聽唔聽得出分別！ 測試結果都幾有驚喜，記得睇晒全片啦～ 講返 Noble Artemis，Noble 在單元設計方面一向有諗頭，今次採用三單元設計：40mm PU + 紙質複合動圈單元、14.5mm 平板單元、動鐵單元，聽之前覺得大耳罩玩多單元，感覺會係多細節但有啲分離，但實際試聽呢個配置係出奇地夾，首先音場空間感出色，絕對對得起呢個價錢，人聲表現亦都夠細膩，短促的低音例如hi-hat或電子音樂beat反應夠快收放自如，但去到鼓bass仍然保留到自然的伸延感，真係聽得到有齊唔同單元的優點。 聽感之外，Noble Artemis 在操作使用上都有細心位，拿下耳機會自動停止播放和停用 ANC 降噪，最抵讚有磁吸耳罩同換電設計，扭鬆一粒螺絲就可以換電，無線耳機用得耐多數都會有電池老化問題，有得換電點都係好事。 總括嚟講，Noble Artemis 係一款表現全面得嚟又有個性嘅耳機，而且我哋覺得除咗HiFi、HeadFi發燒玩家，一啲啱啱對聲音有要求、配套唔係好齊但又畀得起呢個價位嘅初燒玩家都好適合。因為佢幾乎通殺流行的藍牙編解碼，亦可以用USB DAC直駁電話，就咁用電話玩已經有好唔錯嘅體驗，新手第一件HeadFi產品可以買咗旗艦機先再慢慢補完。 #NobleAudio #FokusArtemis #headphone #LDAC #HiResAudio #耳機評測 #開箱 #GadgetGang #GadgetGang #廣東話