القلب شايف كلام ( محمد النصري)

القلب شايف كلام كلمات : محمد الحسن سالم حميد (له الرحمة والمغفرة) ألحان وأداء : محمد النصري إنت لي بتقول كلام والقلب شايف كلام والحصل منك تمام خلّى من ريدنا السلام شمعة الحِنية راحت روحه في جوف الضلام والطيور على دوحة ناحت تاني هـَقِّل ياغمام وينك آ رمل التلاقي وويني يا بدر التمام والفَقش فاح بالسواقي مالو بتحتحت تُمام ؟ ماني مَن يرمي الحمالة وفوق مقاديرو الملام لا أبرئ النفس ماله ومال مشاوير الغرام من قبل يبدا الخصام كنت عارفاهو الختام إنت داب نفسك دوام وقلبي داب في الهم وعام نفسي أبني البرجِ عالي وإنت متواتي الحمام الساعا لي شح الليالي ماهو للترف الحرام ما إصطفيتك لي برايا لي ولي أهلي القُراب إشتهيتك زول ضرايا وشفتَ فيك راجل عقاب قلتَّ لي خلِّي القراية ونبدأ أفراحنا العِذاب وإنت تاريك في النهاية قاصد أتراح العَذاب كيف تِبعتك وآعمايا وكيف بَريتك يا سراب وليش حَريتك لي سمايا وإنت نافد يا سحاب خاتي أنا الصدَّق رواية من غلافه وللكتاب يا اللي فاكر الريد غواية غاب ضميرك ولاعَاب ! ألف ليلى وليل بلايا بإنتظارك في ألْفِ باب وفي شُرف بابي البلايا وألف مرحب ويا حباب قادرة أبسم في النهاية صابرة بتخطى الصعاب عندي ما فيهو الكفاية من نَفس تسّب تساب عيني في عينة هوايا حبي مدفون في التراب أروي بي دمعي ودمايا وماب تشيلو الريح هَباب إنت لي بتقول كلام والقلب شايف كلام والحصل منك تمام خلّى من ريدنا السلام