當愛變成放手：〈預設醫療指示條例〉點樣喺最後時刻幫我哋？｜一杯｜半桶水｜廣東話

星期二我講咗道德綁架同無效醫療。今日，我想平靜啲同你講一個答案。 2026年7月31號，香港正式實施《維持生命治療的預作決定條例》。簡單嚟講，就係俾你喺清醒嘅時候，預先寫低將來你唔想要咩維持生命治療。 呢個唔係安樂死，呢個係生命自主權。 條例點樣幫到家屬？當病人失去精神能力，佢嘅意願已經白紙黑字寫低，仔女唔使喺最後關頭被逼決定親人生死，唔使孭住一世罪惡感。 點樣幫到病患？喺末期疾病、植物人狀態、不可逆轉昏迷呢三種情況下，可以合法拒絕心肺復甦、人工呼吸、人工營養等。但基本照顧同紓緩治療絕對唔會少，你依然會得到止痛、清潔、護理，有尊嚴咁走。 點樣幫到醫護？醫生有法可依，唔使再因為驚被告而被迫做創傷性急救。 今集亦會講下點樣同屋企人開口傾呢件事。唔好等到病房門口先嚟後悔。