Herd of Elephants meet Caretaker after 14 months of separation!

14 മാസത്തെ വേര്‍പിരിയലിന് ശേഷം ആനകള്‍ തങ്ങളുടെ സംരക്ഷകനുമായി വീണ്ടും ഒന്നിക്കുന്ന ഒരു മധുരതരമായ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഐഎഫ്എസ് ഓഫീസര്‍ സുശാന്ത നന്ദ ട്വിറ്ററില്‍ പങ്കുവെച്ച ഈ വീഡിയോ നിമിഷനേരങ്ങള്‍ക്കൊണ്ട് ആണ് ആനപ്രേമികള്‍ നെഞ്‌ചോട് ചേര്‍ത്തത്., ആനക്കൂട്ടം തങ്ങളുടെ സംരക്ഷകന്റെ അടുത്തേക്ക് ആര്‍ത്തു വിളിച്ച് ഓടി വരുന്നതാണ് ഈ ദൃശ്യങ്ങളിലുള്ളത്.വൈറലാകുന്ന ഒരു വീഡിയോ കാണിക്കുന്നത് ആനക്കൂട്ടം ആഴം കുറഞ്ഞ വെള്ളത്തില്‍ നില്‍ക്കുന്ന ഒരാളുടെ അതായത് ആനകളെ 14 മാസം മുന്‍പ് ഭക്ഷണം കൊടുത്ത് വളര്‍ത്തിയിരുന്ന ആളുടെ അടുത്തേക്ക് ഓടുകയും അവരെ വിളിക്കുകയും ചെയ്യുന്നു. വീഡിയോയിലെ മനുഷ്യന്‍ യഥാര്‍ത്ഥത്തില്‍ ആനകളുടെ സംരക്ഷകനാണ്, 14 മാസത്തിന് ശേഷമാണ് ആനക്കൂട്ടം അവനെ കാണുന്നത്. വീഡിയോയിലെ ആനകള്‍ തങ്ങളുടെ സംരക്ഷകന്റെ അടുത്തേക്ക് പോകുമ്പോള്‍ അതീവ ആവേശഭരിതരായും സന്തുഷ്ടരായും കാണപ്പെടുന്നു. തായ്ലന്‍ഡിലെ ചിയാങ് മായ് പ്രവിശ്യയിലെ ആന സങ്കേതത്തില്‍ നിന്നുള്ളതാണ് വീഡിയോ. സാങ്ഡുവന്‍ ലെക് ചൈലെര്‍ട്ടും ഡാരിക്ക് തോംസണും ചേര്‍ന്നാണ് ഈ വന്യജീവി സങ്കേതം നടത്തുന്നത്, അവിടെ ഈ ദമ്പതികള്‍ പീഡിപ്പിക്കപ്പെട്ടതും ഉപേക്ഷിക്കപ്പെട്ടതും മുറിവേറ്റതുമായ ഈ ആനകളെ രക്ഷപ്പെടുത്തി പിന്നീട് ഏറ്റെടുക്കുക ആയിരുന്നു. ഇവയ്ക്ക് ഏറെ പരിചരണവും,ആവശ്യമുള്ള ഭക്ഷണവും ഒക്കെ നല്‍കി സ്വാഭാവിക ആവാസ വ്യവസ്ഥ സൃഷ്ടിക്കുകയായിരുന്നു. മാത്രമല്ല ആനകളെ കൂടാതെ നൂറുകണക്കിന് നായ്ക്കളും പൂച്ചകളും ഇവര്‍ക്ക് ഉണ്ട്.വീഡിയോയില്‍ ആനകള്‍ ആനസംരക്ഷകനായ ഡാരിക്കിനെ വളയുകയും തുമ്പിക്കൈ കൊണ്ട് തഴുകുകയും ചെയ്യുന്നുണ്ട് .' '14 മാസത്തിന് ശേഷം ആനകള്‍ അവരുടെ സംരക്ഷകനുമായി വീണ്ടും ഒന്നിക്കുന്നു' എന്ന ക്യാപ്ഷനോടു കൂടിയാണ് ഈ വീഡിയോ ഷെയര്‍ ചെയ്തത്.വളരെ ഹൃദയസ്പര്‍ശിയാണ് ഈ വീഡിയോ. ഇതുവരെ കണ്ടിട്ടുള്ളതില്‍ വച്ച് ഏറ്റവും മനോഹരമായ കാര്യങ്ങളില്‍ ഒന്നാണിതെന്ന് ബ്രിട്ടീഷ് നടന്‍ ആദില്‍ റേ പറഞ്ഞു, വീഡിയോയില്‍ കെയര്‍ടേക്കറായ ഡാരിക് തോംസണെക്കുറിച്ചുള്ള വിവരങ്ങള്‍ പങ്കുവെച്ചു.