中年好聲音4｜Maico鄭仲豪的參賽作品全記錄

本來以為尹景順條 video 會先出，點知片入面啲字突然大混亂。哈哈！😂 以前就成日係仲豪啲 video shorts 被 block，版權問題搞到要剪完又剪、再剪又再剪。點知去到最後，竟然係仲豪呢條先出街。真係風水輪流轉🤣 多謝鄭仲豪，俾我將佢每一期比賽之後寫低嘅心情筆記收錄喺片入面。如果大家覺得過得太快，可以撳停慢慢睇。 可能好多人認識嘅仲豪，都係嗰個 「Lose Control Guy」。但我喺比賽入面睇到嘅鄭仲豪，更似係一路用歌聲收集屬於自己嘅「人生之歌」——送俾媽媽、太太、離世嘅爸爸、仔女，亦送俾自己一直冇放低過嘅音樂夢。 我自己亦從仲豪唱嘅《幸福之歌》同《不見不散》得到一份鼓勵：人生幾時重新開始，都唔會太遲。 呢條片由五月開始，一集一集咁加落去，前前後後睇咗無數次，睇到差唔多識背😬。 仍然有瑕疵，未必完美，但已經盡力將我眼中嘅鄭仲豪記錄低。 希望你會鍾意呢條片，亦希望有更多人透過呢條片，認識「Lose Control Guy」以外嘅鄭仲豪。‪@MaicoTehUtopia‬ #中年好聲音4 #鄭仲豪