衛詩雅勇奪百花獎影后獲老公接機 鏡頭前大方示愛甜到漏

衛詩雅勇奪百花獎影后獲老公接機 鏡頭前大方示愛甜到漏 衛詩雅早前拍劇受傷，傷口縫咗超過50針，而拆線第二日佢就飛到北京出席第38屆大眾電影百花獎，仲打敗多位勁敵，憑《破。地獄》再奪影后，成為百花獎史上第一位封后嘅香港演員。 Michelle星期二晚返港接受享問時分享感受：「當然好開心啦，我好似更加有個使命感，覺得個天比個咁好嘅榮譽我，一定係有啲嘢想我再做好啲。」講到網民有留意到Michelle奪獎落台時，顯得有嘅孤獨，Michelle就表示絕對唔係孤獨，只係現場唔太多熟人。 呢日Michelle捧住獎座凱旋而歸，老公親自去到機場接機，見Michelle嘴唇黐住膠布，講嘢都要小心就住，佢話自己恢復得唔錯，已經ready再開工。不過講返受傷過程，都真係幾驚險，Michelle表示傷口係被玻璃𠝹傷，當時口中佈滿玻璃，然後覺得嘴唇好濕，伸脷去舔就舔開個傷口，Michelle大讚劇組反應好快立即call車，但Michelle臨急不亂，淡定打比老公叫佢call定整形外科醫生，Michelle坦言曾經都好擔心破相，但下一秒佢就覺得擔心多餘，因為佢知道老公係唔會因為咁而唔要佢。 Michelle更幽默表示老公推佢入手術室一刻，感覺好似預演生仔咁，佢仲同老公講：「好痛啊﹗我個肚，我話仔定女？」過程並唔係大家想像咁危急 。有醫生老公照顧，唔怪得Michelle傷到咁都識得講笑，不過就辛苦老公晚晚冇覺好瞓喇：「每日我都要打抗生素，咁我老公就喺屋企幫我打，佢都無瞓過咁滯，因為佢成日瞓瞓吓就用電筒照我傷口，所以頭兩日佢都基本無咩點瞓，我就瞓得好安詳，佢就好緊張。」Michelle好感恩上天好好，比咗一個咁好嘅老公佢，佢仲好sweet咁話：「我不嬲都咁愛佢。」仲話老公值無限分。 #衛詩雅 #拍劇受傷 #50針 #北京第38屆大眾電影百花獎 #破地獄 #影后 #凱旋而歸 #老公 #接機 #受傷過程 #破相 #預演生仔 #辛苦 #無限分 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0