NABETH - Afrikki

AFRIKKI Qarren iyi afrikki Akkà i d isemman imezwura Eččan iyi, Armi d ikfan : imecyuḍa Rkeḍen iyi U mazal ḍmεan deg-i tagara Bγiγ ad-d heḍreγ Awen-d mleγ … Kulci a-t i-d ḥkuγ Ayen i εaţbeγ D w’i ţwaḍlemeγ … D wayen i ţarguγ Ukiγ, beddeγ Ayen awk i sneγ … Muḥal a-t eţţuγ Yeqber wul-iw Yefka i lxaṭer-iw …. Ayen awk yugar-n Yenneḍ yiles-iw Yeččur yimi-w … D yir imeslayen Yeqḍaε nefs-iw Refdeγ afus-iw … Mar ad iyi-d slen Wid i yezzin Id i seγlin … ḥeqern iyi ḍaεfeγ Zgiγ d amuḍin D dwa-w i bbwin … Assa ur zmireγ S wul yedrin M’ur d i ţhennin … Yi b-ass ad εagḍeγ Ayen a-d ḥelliγ A-t i-d awwiγ … Ad iyi t ksen Kra b’wayen bniγ Ḥeḍreγ, elliγ … Mi-d iyi t sdermen Tura mi zriγ Fehmeγ, γriγ … ţwakkelxeγ dayen. NABETH