"ဆံရှည်လူထူးဆန်းနှင့် တမလွန်က ကျိန်စာတစ်ပုဒ် " ‌စာရေးသူ -‌ မင်းလက်ယာ(တမာမြေ)/ LH စာစဉ် အတွဲ (၃၃)

စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၃၃) မှ စာရေးသူ - " မင်းလက်ယာ(တမာမြေ)" ရဲ့ "ဆံရှည်လူထူးဆန်းနှင့် တမလွန်က ကျိန်စာတစ်ပုဒ် " ဆိုတဲ့စာမူပဲဖြစ်ပါတယ် "ဆံရှည်လူထူးဆန်းနှင့် တမလွန်က ကျိန်စာတစ်ပုဒ် " စာရေးသူ - မင်းလက်ယာ(တမာမြေ) စာဖတ်သူ - နန်းသိင်္ဂီ ကြာချိန် - ၅၀ မိနစ် : ၅၉ စက္ကန့် ပေမအုတ်ကျောင်းပျက်မှ ပြဿနာအရပ်ရပ်ကို အောင်မြင်စွာ ဖြေရှင်းပြီးနောက် အဘစောသည် ဆံရှည်လူထူးဆန်းအား တလေးတစားဖြင့် သူနေထိုင်ရာ ခင်တန်းရွာ သို့ အပါခေါ်ဆောင်လာခဲ့တော့သည်။ "ရှေ့ဆို အဘတို့ရွာကို ရောက်ပြီ ဆရာလေး..." အဘစောက ရှေ့မှဦးဆောင်လမ်းပြရင်း ဆံရှည်လူငယ်အား လှည့်ကြည့်၍ ပြောလိုက်သည်။ ဆံရှည်လူထူးဆန်းက ဘာမှပြန်မပြောဘဲ ခေါင်းကိုသာ အသာအယာ ညိတ်ပြလိုက်၏။ သူ၏ စူးရှသော မျက်ဝန်းများဖြင့် ပတ်ဝန်းကျင်ကို ဘယ်ညာလှည့်ပတ် ကြည့်ရှုလိုက်ရာ စိမ်းစိုနေသော လယ်ကွင်းပြင်ကြီး နှစ်ခုကြားရှိ မြေသားလမ်းလေးကို တွေ့လိုက်ရသည်။ ထိုမြေသားလမ်းလေး၏ အဆုံးတွင် ရွာစည်းရိုးအဖြစ် သဘာဝအတိုင်း တန်းစီ ပေါက်ရောက်နေသော မန်ကျီးပင်တန်းကြီးများနှင့်စိမ်းစိုလှသော ခင်တန်းရွာ၏ အဝင်ဝကို လှမ်း၍ မြင်တွေ့နေရပြီ ဖြစ်သည်။ ရွာအဝင်တည့်တည့်တွင် ရှေးဟောင်းအုတ်ရိုးတံတိုင်း ကာရံထားသည့် ဘုန်းကြီးကျောင်းတစ်ကျောင်း ရှိနေပြီး ကျောင်းဝင်းအတွင်းမှ ဆည်းလည်းသံတချွင်ချွင်နှင့် ဉာဏ်တော်အမြင့် ကိုးတောင်ခန့် ရှိမည့် စေတီငယ်လေးတစ်ဆူကို ဖူးမြော်လိုက်ရ၏။ အားလုံးကို ခြုံငုံကြည့်လိုက်လျှင် လွန်စွာအေးချမ်းဆိတ်ငြိမ် လှသော လယ်ယာအခြေပြု ကျေးလက်ရွာကလေးတစ်ရွာသာ ဖြစ်သည်။ သူတို့နှစ်ဦး မြေသားလမ်းအတိုင်း ရေဗွက်လေးများကို ရှောင်ကွင်း၍ လျှောက်လှမ်းလာကြစဉ် လယ်ကွင်းပြင်ထဲမှ ဆူညံဆူညံ ဆဲဆိုသံများနှင့် ရုန်းရင်းဆန်ခတ် အသံများကို ကြားလိုက်ရသည်။ အဘစောလည်း ခြေလှမ်းကို ခဏရပ်ပြီး လယ်ကွင်းထဲကို လှမ်း၍ အကဲခတ်လိုက်သည်။ လယ်ကွင်းထဲတွင် လူငယ်သုံးယောက် မတ်တတ်ရပ်လျက် အခြေအတင် ဖြစ်နေကြ၏။ တစ်ယောက်က အင်္ကျီဗလာကျင်းထားပြီး ကိုယ်ခန္ဓာ တောင့်တင်းခိုင်မာသည်။ ကျန်နှစ်ယောက်အနက် တစ်ယောက်က ပိန်ပိန် ရှည်ရှည်ဖြစ်ပြီး၊ အခြားတစ်ယောက်ကမူ ပုပုပြတ်ပြတ် လူငယ်ဖြစ်သည်။ "ဟျောင့် ဘခက်... မင်း လူပါးဝတာ များနေပြီနော်..." စာစဉ်ဖတ်ရန် နှိပ်ပါ - https://online.fliphtml5.com/zlxdu/ywhk/ *ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။ *အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။ 🔰 https://fliphtml5.com/site/13979096/i...